Hindi na binitawan ni Cedric ang aking kamay habang patuloy kaming naglalakad sa kagubatan. Nagsama-sama lang din kaming lahat at hindi na naghiwalay pa.
Napatingala kaming lahat sa kalangitan nang bigla kaming makarinig ng mga huni ng mga uwak. Namangha ako nang makita naming nagkalat sa itaas ang mga malalaki at itim na uwak. Siyempre, wala namang ibang kulay ang uwak.
"Ang dami n'yan ha," saad ni Empress na medyo malapit sa amin ni Cedric.
"What's that?" tanong ng ilan nang makita naming may mga binitawang maliliit na bagay ang mga uwak mula sa itaas.
"f**k!"
"Bomba!"
"Dapa!"
"Takbo!"
"Damn it!"
Nagkagulo na. Nagkaniya-kaniyang takbuhan at dapaan na sa damuhan nang mapansin naming umuusok ang mga maliliit na bagay na binitawan ng mga lintek na uwak!
Si Cedric ay inibabawan ak
