SOPHIA
PANAY pa rin ang sulyap ko sa paligid. Hinahanap ng tingin ko si Red, tiwala akong nandito na ang lalaking 'yon. Hindi naman mag-te-text iyon sa akin kapag hindi niya ako nakita.
Napataas kilay ako nang hindi siya matanaw ng mga mata ko. Duda rin akong nagtatago ito, pero para saan? Ano ang dahilan kung bakit kailangan niyang magtago? Kasama niya naman si Mich 'di ba? Bakit hindi siya magpakita sa akin.
Nakakainis talaga ang lalaking 'yon at nakuha pang inisin ako.
"Mukhang kanina pa may nagtetext sa 'yo ah, Mommy mo?"
Nilingon ko si Max. Hindi ko naman pweding sabihin sa kaniyang kay Red galing ang natanggap kong messages ngayon-ngayon lang.
Baka mag-isip lang ito ng mali sa amin, dahil hindi naman dapat.
"Hindi. Uhm, si Cielo nagtatanong lang kung nasaan ako," sagot ko kay
