Mataman siyang tinitigan ni Jeffry sa namumungay nitong mga mata.
"Meaning, hindi ka rin pinipilit ng nobyo mo na magpakasal na sa kan’ya?" tanong nito sa kan'ya kaya binigyan niya ito ng nakakapagod na tingin.
"If that's your way of asking me if I ever have a boyfriend, then the answer is absolutely none. Halata naman sa pasaring ni Jemma. Hina mo namang maka-gets," sagot niya habang pumupulot ng pulutan.
"That's surprising! Or should I say unbelievable." Tila hindi ito makapaniwala sa narinig.
Oo nga pala, sa tagal nilang nagsasamang lumabas ni Jeffry ay hindi pa nila napag-usapan ang tungkol sa personal niyang buhay kaya hindi na siya magtataka kung maging ito ay magugulat kapag nalaman nitong isa pa siyang birhen.
"Anong magagawa ko kung wala talaga? Alangan namang ipilit kung wa
