Agad na iginala ni Angel ang paningin upang hanapin si Nicholas, hindi alam kung bakit ganoon na lamang ang kaba niya. Mas lalong lumakas ang pagtahip ng dibdib nang makitang kausap ng lalaki ang kanyang anak at mga magulang.
"Angel," muli ay untag ni Marie sa kanya.
"Ha?!" gulat niyang turan. "Sorry, medyo masama ang tiyan ko. Please excuse me for a while," mabilis na turan sabay alis.
May pagtataka sa mukha ni Marie pero hindi na niya pinansin, narinig pa niya bago siya tuluyang makalayo sa mga ito na inaaya niya ang lalaki sa isang mesa upang doon siya hintayin ni Dexter.
Kabadong-kabado si Angel lalo na at nakatawang kausap ng ama si Nicholas. Tinalunton niya ang daan patungo sa banyo, agad na pumasok roon at nakita ang pamumutla sa kanyang mukha.
"Don't do this to me, Nicholas, y
