UNANG nasilayan ni Althea ang puting kisame at puting kurtina sa giliran ng kanyang hinihigaang kama. Ang namumugtong mga mata ng kanyang ama ay nakatingin sa kanya na gulat na gulat na tila hindi makapaniwalang dumilat siya.
“Nurse! Nurse!” tawag ng kanyang ama at mabilis na dumalo sa kanya. Dali dali namang lumabas ng pintuan ang lalake na kasama nito. Napababa ang kamay nitong nakahalukipkip nang makita siyang dumilat bago ito tumakbo upang magtawag ng nurse.
May aparaturang nakakonekta sa kanyang ilong na sumusuporta sa kanyang paghinga. Tumutunog din ang makina sa giliran ng kanyang kama na tila sinusuri ang pagtibok ng kanyang puso. Minsan na niyang nakita ang lalakeng iyon, tila isang beses o pangalawa ngunit hindi niya matandaan ang pangalan nito.
Lumapit si Nestor sa kanya nang
