CHAPTER 11
Dahil nag-improve ang aking mga grades at nalaman ni Daddy na nakikipagcompete na ako sa National, pag-uwi ko sa araw na iyon ay may nakaparada sa bahay na bagong motor ko. Matagal ko na kasing nililigawan siya na bilhan niya ako ng motor. Napalundag ako sa tuwa noon at nayakap siya sa sobrang saya. Alam kong labag sa loob niyang bilhan ako ng motor kahit pa marunong na ako noong Grade 5 pa ako. Nagtatalo sa kaniya ang awa at takot. Awa dahil tuwing umaga ay nalalaman niya kay lolo na nakikipagsiksikan ako sa mga tricycle at kadalasan kailangan kong maglakad hanggang sa highway para lang may masakyan. Takot, dahil baka matulad ako sa mga kabataang nadidisgrasiya ngunit sadyang malambot ang puso sa akin ni Daddy. Umuwi talaga siya para personal na ibigay sa akin ang sorpresa niy
