Walang naging problema nang ipakilala ko si Lina sa kapatid ko. Sa wakas, makakahinga na rin ako nang maluwag. Tiyak namang hindi matitipuhan ng kapatid ko ang bago naming kasambahay. Mabilis lang na lumipas ang oras. Mukhang okay naman ang samahan ng mga ito kaya panatag na ako.
"Pumayag ka na kayang ligawan kita." Nakangising ani ni Marvin sa akin habang magkaharap kaming nagkakape nito.
"Ulol."
"Hindi ka naman lugi sa akin, ah. Gwapo ako, matikas ang pangangatawan, mayaman, mabait…"
"Hindi ka si Abram, that's the problem." Napasimangot ang lalaki na sinamaan ako nang tingin.
"You're right, sa sobrang labo mo hindi ka na rin nakakapag-isip. Ilang taon na, oh. Kung gusto ka talaga n'ya matagal na sana s'yang niligawan ka. Pero hindi, eh. Pinapaasa ka lang n'ya. Bakit kaya hindi m
