" Aray! Tangina namang buhay to! " Napangiwi ako sa sakit after I frustratedly kick my tire. Napatalon-talon ako. Napahawak ang isa kong kamay sa bumper ng sasakyan ko. Sa dinarami-raming oras na pwedeng ma flat tire ay sa ganitong dis oras pa talaga ng gabi kung saan wala ng masyadong mga tao sa daan upang mahingan ng tulong o kaya'y mapagtanungan kung may bukas pa na talyer o kaya'y vulcanizing shop sa malapit.
Pagod na pagod na nga ako sa maghapong trabaho ko bilang purchaser at ilang oras na pagsasalita at pagdedemo ng products upang kumbinsihin ang isang taong nirecruit ko na maginvest sa sinalihan kong networking, ay heto ako di makausog dahil flat yung gulong ng sasakyan ko. Gusto-gusto ko nang umuwi, mamahinga at matulog. Gustong-gusto ko nang umiyak dahil sa inis ay pagod, pinip
