Pauwi noon si Mara galing sa pagbisita sa tiyuhin niya-kapatid ng kaniyang ina-na nasa Bulacan, nang abutan siya ng malakas na ulan.
Sinabihan na siya kanina ng kaniyang tiyuhin na bukas na lang umuwi dahil sa masungit na panahong dala ng bagyo. Pero nagpumilit ang dalaga dahil nangako siya kay Elise na darating ngayong gabi para sa kaarawan nito.
Patawid na ng tulay si Mara nang bigla siyang may maramdaman na pagsabog mula sa kaniyang gulong. Kahit malakas ang ulan ay lumabas pa rin ang dalaga para silipin ito.
Wala siyang dalang payong kaya sumugod siya sa malalaking patak ng ulan.
"Damn. Bakit ngayon pa?" Naiinis niyang sinipa ang gulong na na-flat.
Nagpalinga-linga siya sa paligid sa pagbabakasakaling may makitang vulcanizing shop o puwedeng makatulong sa kalagayan niya.
Per
