Biglang napaangat ng ulo si Mara mula sa binabasang files. Napatingin siya sa suot na relo. Ilang oras na pala siyang nag-overtime. Ibig sabihin ay kanina pa rin naghihintay sa kaniya si Xander. Dumating kasi ito kanina sa opisina niya para sunduin siya.
Kaso nagkataong marami siyang tambak na trabaho kaya kinailangan niyang mag-overtime. Gumagaan ang pakiramdam niya kapag kausap ang binata kaya hindi na siya tumanggi nang magpumilit itong hintayin siya sa lounge area hanggang sa matapos siya.
Tutal naman sa ilang araw na paghahatid-sundo sa kaniya ni Xander ay napatunayan niyang mabuti itong tao na dapat niyang pagkatiwalaan.
Pagkatapos iligpit ang lamesa ay dali-dali siyang lumabas ng opisina. Parang hinaplos ang kaniyang puso nang maabutan si Xander na nakapikit, habang nakasandal
