Chapter Twenty-seven
Papalapit pa lang kami sa Isla ay parang gusto ko nang tumalon. Iyong mga corals ay parang nagyayabang na. Wala akong idea kung paano ba iyong snorkeling na iyon. Basta gusto ko na lang lumangoy kahit hindi ako marunong at pagmasdan ang corals.
Huminto na ang yate ni Kaus the monkey. Hindi pumayag si boss na katulad kahapon ang suot ko. Ngayon ay naka-short and shirt ako. Mas komportable naman akong makagagalaw sa ganitong suot ko.
"Xachary, parang may isang gusto nang lumundag sa tubig. Pigilan at bantayan mo iyan." Nahuli pala ako ni Kaus na atat nang umalis ng yate niya.
"Allegra, halika rito." Agad akong lumapit kay boss. "Dahil hindi ka marunong lumangoy ay isuot mo itong life vest." Kahit sinabi niyang isuot ko... siya pa rin naman ang nagsuot sa akin no'n.
