Chapter Twenty-two
"Maalat ang tubig alat. Ngayon ay sure na talaga ako roon." Pabalik na kami sa beach house ni Boss Xachary. Bitbit ni Ate Honey ang sandals ko dahil mas prefer kong maglakad ng nakayapak. Ang sarap sa paa no'ng pinong buhangin. Idagdag pa ang may kalamigang hangin na parang yumayakap sa akin.
Nasa patio si boss at direktang nakatingin sa akin na naglalakad palapit. Balak kong umiwas dito. Masama ang loob ko na hindi niya ako gustong samahan sa kulungan.
"Anong ginawa mo roon?"
"Tinikman n'ya ang tubig alat, boss. Ngayon daw ay tiyak na siya na maalat nga ang tubig. Hays. Parang matutuyuan ako ng tubig sa takbo ng utak ni Ma'am Allegra. D'yan na nga muna kayo. Tutulong po muna ako sa loob." Naiwan kami ni Boss Xachary sa patio. Inangatan ako ng kilay nito. Hindi ako
