الفصل الثاني

1711 Words

الفصل الثانى في مكان اخر ..........: بقولك يا باشا زي ما سمعت كده العروسه سابته في وسط الطريق وجريت وهي بتعيط وهو ملحقش يحصلها،، شكلهم اتخانقوا ...........: حلو اوي الكلام ده طب بعد ما مشيت راحت علي فين أوعى يكون محدش من الرجاله مشى وراها ........: ودي حاجه تف*نا بردو احنا قطرناها لغايه لما ركبت تا**ي وبعدين نزلت عند عماره علي اول فيصل ،، تقريبا عند حد من معارفهم لانها بقالها ساعه ونص فوق ولسه هناك دلوقتي منزلتش.. ...........: اممممم طيب انا عاوزك تروح بنفسك هناك بكام عربيه اجره تا**ي يعني.. المهم لما تنزل تركب مع واحد منكم من غير ما تحس بحاجه ،، هاتها وقابلني بيها في كافيه ****** وقولها ان الي هيقا**ها هيساعدها تتخلص من جوازه رائد .........: طب ماحنا ممكن نخدرها ونجبها علي هنا وبعدين اتكلم معاها براحتك .........: لا يا غبي.. انا مش عاوزها تخاف ،،، لازم تبقي واثقه فينا ،، لو عاملناها براحه وبهدوء هتطمن وتثق وتصدق كلامنا ..........: بس افرض بقي هي خافت مرديتش تيجي معانا ... ...........: سبها براحتها ، وحاول تقنعها من غير ما تخوفها فاهمني مش عاوزها تخاف ، انا عاوزها تطمن عالأخر ، ولو عصلجت اوي يعني سبها تمشي ، نبقي نشوف طريقه تانيه نتقابل بيها ..... ...... : أمرك يا باشا ، يادوب ألحق وهتصل بيك واعرفك الجديد ~~~~~~~~~~~~~~~~~~~~~~~~~~ في منزل حور كان رائد يتحرك بغضب ذهابا وايابا يشعر داخله بامواج من الغضب .. وقف يفرك جبينه ليقول -: شوفتي يا حماتي بتك المحترمه صاحبه الصون والعفاف تسبني في نص الشارع وتجري كل ده ليه عشان بكلمها في موضوع الحجاب ،، ده جزاتي اني خايف علي لحمي وعاوز أصونها.. هدي: معلش يابني انت عارف حور تهب تهب وتنزل علي مفيش.. هي بس مستغربه الحياه جديده عليها.. وابوها ياما كان مدلعها.. رائد : دلع ايه بس الي يخليها كده ،،، طب تقدري تقوليلي لغايه دلوقتي هي فين ،، مرجعتش عالبيت ليه لا وكمان قافله تليفونها .. هدي : تلاقيها راحت تشتري حاجات وتليفونها فصل شحن ولا حاجه ،شويه و هتلاقيها جايه ولما تيجي اوعدك اني اديها علي دماغها احنا معندناش الكلام ده وما ان انهت حديثها حتى خرج رائد صافعا الباب خلفه بقوه ، انتفضت هدى وقالت لنفسها -: ليه كده بس يا حور ، ده الراجل بيحبك وشاريكي ، لما تيجي بس انا هوريكي .......: ايه يا ماما انتي بتكلمي نفسك ولا ايه ، ومالو رائد كان متعصب كده ليه ، وفين حور ؟ كان هذا صوت هنا التي خرجت من غرفتها بعدما سمعت صوت خروج رائد العاصف... هدى : اسكتي ياختي انتي ولا على بالك حاجه ، اختك هتضيع الراجل من ايدها ، بيحبها وشاريها وبيتمنالها الرضا ترضى ، وهي بتتبطر عالنعمه... هنا : ليه هو ايه الي حصل ... هدى: بيقولها اتحجبي ، ادتله موشح وسابته ومشيت ... هنا : يا سلام من الباب لطق كده ، اكيد في حاجه حصلت ، انا بصراحه بقيت مش طايقه رائد ده هدى بصراخ : اسكتي خالص ، مانتي الي مقوياها عوزاها تسيبه ... هنا : ولا مقوياها ولا غيروا ، انا داخله انام ، ولما حور ترجع ابقي صحيني ، تصبحي علي خير يا هدهد ، وابقي خدي دوا الضغط والسكر والمراره ، ألا يجرالك حاجه .. لم تنتظر هنا الرد لتسرع الي غرفتها ، قبل القاء والدتها سلاح الام المصريه ( الشبشب ) في وجهها ...لتزفر الاخرى بضيق وتقول -: عوض عليه عوض الصابرين يارب ~•~•~•~•~•~•~•~•~•~•~ في احد الكافيهات علي النيل أوس: احم انا أسف عالطريقه الي جبت حضرتك بيها بس انا نبهت عالرجاله ان محدش يضايقك او يجبرك انك تيجي.. اتمني انهم يكونوا عملو كده فعلا حور : تمام.. ممكن حضرتك تدخل فالموضوع علي طول أوس: تحبي تشربي ايه الاول حور : لو سمحت انا متأخره لو هتتكلم علي طول تمام مش هتتكلم خلاص سبني امشي أوس : احم.. شكلك صعبه اوي . طيب تمام انا هدخل فالموضوع علي طول وهكلمك بصراحه انا أوس الغازي اكبر المنافسين لشركه الصاوي الي بيدرها خطيب حضرتك رائد الصاوي ، قاطعته حور : وانت جايبني هنا مفكر اني هخونه وابيعه ليك انا مش كده بعد اذنك وقفت حور وعزمت علي الرحيل أوس : استني بس يا أنسه انا مش عاوز منك حاجه انا عاوز اعرفك الوش التاني لرائد الصاوي الي انتي متعرفهوش ،، انا عارف انك غلبانه ورائد الصاوي ميستهلكيش ،، وعالاقل اساعدك تخلصي من جوازه منك ... رجعت حور وجلست مره اخرى أوس: انا لما عرفتك بنفسي ،، عشان اكون ص**ح معاكي من البدايه ،، المهم رائد الصاوي من اسبوعين تقريبا كنا داخلين مناقصه واستخدم طرق غير مشروعه و**ب المناقصه دي مش ده المهم المهم اني اتفاجأت ان الي كان مجنده ياخد مني المعلومات دي تبقي خطيبتي الي اتجوزها عرفي بعد ما**ب المناقصه حور: وانا ايه الي يأكدلي كلامك ،، مانت زي ما قولت من ألد اعدائه يعني ممكن تتبلى عليه أوس: عندك حق.. وده الي كنت عامل حسابه انا ولا هقولك معايا صور ولا صوره من عقد جواز لان ده ممكن تشكي فيه انه مزور وانا بحب اقطع الشك باليقين ،،انا معايا عنوان الشقه هي موجوده فالزمالك لو حابه اول ماعرف بوجوده هناك ابلغك تمام وتروحي تشوفيه بنفسك ،، في حاجه كمان انا كنت عاوز اخلصك من جوازه منك وفي نفس الوقت اردله الألم ،، وخصوصا بعد الي حصل ولما تواجهيه مش هيتغير حاجه وهيتم الجواز منك حتي لو غصب حور بتفكير : انا ولا هشترك معاك في حاجه ولا هورطه في حاجه أوس : وانا مطلبتش منك حاجه حور : امال تقصد بكلامك ايه تردله الألم . .. اوس: اردله الالم بأني اتجوزك !!!!!! ثم اكمل حديثه قائلا عقد جواز شرعي مش عرف.. قاطعته حور : لا طبعا انا لايمكن اوافق علي حاجه زي دي أوس : اسمعيني بس للأخر ،، اولا انا بوعدك ان جوازنا عالورق بس للمده الي انتي تحدديها ،، وانا اوعدك اني اضمنلك الحمايه حتي بعد مايتم الطلاق وترجعي شغلك وكمان هوفرلك سكن مناسب وهقدملك شيك مفتوح اكتبي المبلغ الي تحبيه .. حور : مهما كانت العروض الي هتقدمها انا مش زي خطبتك عشان تستخدمني بنفس الاسلوب الي رائد خد خطبتك بيه ... يعني هي لو كانت انسانة محترمة مكنتش قبلت على نفسها المكانة دي .. أوس : حقك ترفضي و عموما انا هسيبك براحتك واتمنى انك تفكري ،، وده الكارت بتاعي اتصلي بيه لو احتاجتي اي حاجه ،، بس احب اقولك حاجه اخيره دي مش أول جوازه ليه ومعتقدش تكون الاخيره ده غير العلاقات الي عالماشي... حور :مش فارق معايا جوازة اد ما فارق معايا اني اتخلص منه ... انا همشي عشان اتأخرت بعد اذنك .. أوس : استني !! الكارت بتاعي خديه ،، انا كتبتلك في ضهره عنوان شقة الزمالك... واتمني انك تفكري تاني في موضوع جوازنا.. حور : معتقدش .. اخدت حور الكارت ومشيت وحاسه انها تايهه بس الغريبه انها من جواها مش زعلانه بالع** حاسه ان ده ممكن يكون سبب مقنع للجميع عشان ينهي جوازها من رائد استووووووب (أوس الغازي من اكبر رجال الأعمال في مصر والشرق الاوسط ،، في اوائل الثلاثينيات ،، من اكبر المنافسين لرائد الصاوي ،، لديه اخت وحيده اسمها كندا ،، ويعيش مع والدته واخته ) بعد قليل جاء صديق أوس المقرب ليجلس معه بعد مغادره حور عماد ( صديق اوس) : عملت ايه ؟.. مع الي اسمها حور دي أوس : ده البت طلعت صاروخ اسم علي مسمي صحيح ،، ده رائد ده غ*ي بقي ي**ن دي مع المصديه الي راح اتجوزها يلا اهو اخد نصيبه عماد : تفتكر هتوافق علي موضوع الجواز أوس : معتقدش ،، بس لو عرفت تنهي الجوازه مش هتقبل بجوازها مني عماد : طب ولو معرفتش ،، اكيد هتلجألك .. أوس : البنت باين عليها خام ، ومتعرفش رائد والي ممكن يعمله عماد : وهو ايه الي ممكن يعمله؟ أوس بتفكير : رائد لما بيحط عينه علي حاجه مبيرتحش غير لما ياخدها عماد : يعني مفيش قدمها غيرك!! أوس بتفكير : انا مش عاوز اسبق الاحداث يلا خلينا نتف*ج ،،والشاطر الي يضحك فالاخر ... عماد : بس انت ليه قولتلها ان الي رائد اتجوزها دي كانت خاطبتك . أوس: أكيد لو كنت قولتلها ان البت دي كانت مجرد علاقه للتسليه مش اكتر و رائد اخدها عندا فيا ، مكنتش هتثق فيا ، وهتفتكر اني هستغلها للتسليه بردو عماد : طب ايه ناوي علي ايه ؟ أوس : ولا حاجه زي ماقولتك خلينا نتف*ج ،،المهم عينكو تبقى عليهم واي جديد بلغوني .. عند حور استقلت حور احدى سيارات الاجرة لتعود الى منزلها لتجد والدتها بانتظارها .. هدي : تعالي هنا يا مقصوفه الرقبه ديما فضحاني كده ومطلعه صوتي قدام الناس حور : في ايه يا ماما... هو رائد لحق يسخنك عليا هدي: اتلمي يابت بدل ماجيبك من شعرك قوليلي كنتي فين بقالك 3 ساعات.. وتليفونك مقفول حور ببرود : كنت بشتري حاجات نقصاني ، والتليفون فصل شحن هدي بغيظ : مانا شيفاكي جايه ايد ورا وايد قدام ومعكيش حاجه اهوه حور بكذب : منا رحت المحل لقيته قافل ،و بعد اذنك بقي عشان هلكانه وعاوزه استريح. هدي : استني هنا انا مخلصتش كلامي ، انتي ايه ايه الي عملتيه مع رائد ده ؟ حور : ماما انا تعبانه ومش قادره اتكلم ، قريب أوي كل حاجه هتتحل وهنرتاح من الأرف ده دخلت حور سريعا الي غرفتها قبل ان تشتد العاصفه بينها وبين والدتها .. فوجدت هنا تتبعها هنا : كنتي فين يا حور قلقتينا وصحيح اتعاركتي مع رائد وسبتيه ومشيتي ؟ حور : اقفلي الباب ده وتعالي اعدي دانتي هتسمعي العجب هنا : احكي ..احكي ده رائد كان هنا وكان شايط ، وامك طبعا عامت على عومه تن*دت حور بضيق ، ثم قصت لهنا كل ما حدث بدايه من خلافها مع رائد ، حتي مقابلتها لأوس ، وعرضه للزواج منها ...... هنا بصدمه : يالاهوي.. ده رائد طلع ابن ستين **** حور : يلا اهي كويس ان جات منه .. بس عالله امك تقتنع وتفركش الجوازه هنا: وافردي امك **مت ان الجوازه تتم انتي عارفه من ساعه ما ابوكي مات وهي مبقتش بتفكر غير ازاي ت**ب عمامك وفلوسهم حور : ماهو ده الي انا خايفه منه ،، وانا مستحيل اتجوز رائد حتي لو هموت هنا : هو الي اسمه أوس ده امور كده وحلو!! حور : ياختي اتنيلي حلو ولا وحش انا هعمل بيه ايه ،، وبعدين انا عمري ما هوافق علي عرضه اني اتجوزه ،، انا بطلع من سجن لسجن ،،، دا ابن عمي الي من لحمي ودمي طلع كده امال الغريب هيبقي ايه ... المهم دلوقتي احنا عاوزين نراقب رائد عاوزه اقفشه هناك فالشقه دي مع البت ،، عشان انا مش هينفع اقول لحد علي مقا**ه اوس ،، واوعي تغلطي بل**نك مع ريم ده مهما كان اخوها وممكن تنبهه هنا ابتؤمت وقالت -: متقلقيش وحطي في بطنك بطيخة صيفي ....

Free reading for new users

Scan code to download app

App Store Google Play

Facebookexpand_more