Excited na excited na si Kelvin sa pagbabalik ni Yvonne kaya naman minamadali na rin niyang ihatid sa mga dapat niyang pagdeliberan ang mga parcels na hawak niya. Isa-isa niyang pinupuntahan ang mga bahay at inihahatid ang mga parcels na dapat niyang ihatid ngayong araw.
“Haaay! Sa wakas at natapos din ako.” Lumipas ang lagpas isang oras ay naihatid na ni Kelvin ang lahat ng mga parcels. Napangiti pa siya habang nakaupo pa rin sa nakahinto niyang motor sa gilid ng kalsada.
Tumingala si Kelvin. Lumawak ang ngiti sa labi niya. “Ang ganda ng langit ngayon. Asul na asul,” aniya. Hindi niya masyadong kita ang araw ngayon kaya naman napakaganda rin para sa kanya ng panahon dahil hindi masyadong mainit at medyo malamig rin ang ihip ng hangin.
Maya-maya ay inalis na rin ni Kelvin ang tingin niy
