Nakatayo sa gilid ng pintuan ng banyo si Alexa habang pinapanuod niya si Kelvin na sinisimulan ng kumpunihin ang gripo. Nangingiti ang labi niya habang nakahalukipkip ang kanyang mga braso.
“Alam mo? Nakakahanga ka kasi ang dami mong kayang gawin,” nangingiting pagpuri ni Alexa kay Kelvin. “Ang dami mong work pero mukhang hindi ka napapagod,” aniya pa.
Narinig naman ni Kelvin ang sinabi ni Alexa pero hindi niya ito tinapunan ng kahit isang saglit na tingin. Kunwari ay wala siyang narinig at nagpapatuloy lang siya sa kanyang ginagawa.
“Napakaswerte ni Yvonne sayo kasi bukod sa mahal mo siya ay masipag ka pa,” wika pa ni Alexa. Lihim namang napangiti si Kelvin. “Kahanga-hanga kang lalaki kaya hindi ka dapat niya pakawalan, ‘di ba?” tanong pa niya.
Tila wala ulit narinig si Kelvin. Pinuna
