Nasa loob ng kanyang opisina si Yvonne. Nakaupo siya sa swivel chair habang nakatutok ang mga mata niya sa screen ng kanyang laptop na nasa ibabaw naman ng office desk niya.
“Ma’am,” magalang na pagtawag ni Fora, ang secretary ni Yvonne na pumasok sa kanyang opisina.
Nag-angat nang mga mata si Yvonne at tinapunan niya ng tingin si Fora. Bahagyang nagsalubong ang mga kilay niya.
Ningitian naman ni Fora si Yvonne bago ito magsalita. “Nandito na po ang final plan para sa product launch ng newest skin care product natin,” wika niya saka lumapit sa mesa ni Yvonne at dahan-dahang inabot sa kanyang boss ang hawak niyang folder.
Tiningnan ni Yvonne ang folder. Ngumiti siya saka kinuha mula kay Fora ang folder. Isinandal niya ng mabuti ang kanyang likod sa sandalan ng kanyang inuupuan saka pamb
