Mabagal na naglalakad si Yvonne at nililibot nang tingin ang paligid. Nasa likod siya ng bahay dahil naisipan niyang mamasyal kahit na dito lamang sa kanyang malawak na bakuran.
Umiihip ang malamig na simoy ng hangin na nararamdaman ng kanyang balat. Lumanghap siya ng hangin at napangiti siya pagkatapos.
“Ang sarap talaga ng hangin rito,” mahinang sambit ni Yvonne.
Nare-relax ang pakiramdam ni Yvonne. Matagal niya ding inasam ang ganitong buhay. Tahimik at malayo sa stress. Aminado naman si Yvonne na nu’ng mga panahong may asawa pa siya ay hindi siya nakakapagbakasyon man lang. Ang trabaho at si Eiann ang pinagtuunan niya ng pansin at naging buhay niya kaya nakalimutan na din niya kung paano ang mag-relax.
Patuloy lamang sa paglalakad si Yvonne. Naaabot ng kanyang tanaw ang lawa na kay
