Nasa loob ng columbarium si Yvonne. Nasa kanyang harapan ang maliliit na nitso kung saan nasa loob ng mga iyon ang labi ng mga namayapa na nakalagay sa mga garapon na gawa sa marmol.
Nakakabingi ang katahimikan sa loob dahil siya lamang ang taong narito sa lugar na ito. Pinili niyang pumunta sa araw na walang masyadong nagpupunta rito.
Tuwid na nakatayo si Yvonne habang tinitingnan ang isang garapon na nakalagay sa isa sa mga nitso na iyon. Nasa pang-limang palapag iyon, sa gawing kaliwa. Malungkot ang kanyang mga mata habang nakatingin sa bagay na iyon.
Sa loob ng nitso na tinitingnan ni Yvonne ay nakalagay ang abo ng kanyang hindi pa naisisilang na sanggol. Ito sana ang unang anak nila ni Eiann.
May halong pait ang naging ngiti ng labi ni Yvonne.
“I’m sorry, Anak,” malungkot na samb
