Naisipan nila Yvonne at Kelvin na mamasyal ngayong araw. Hindi na muna pumasok si Yvonne sa opisina habang day-off na muna sa trabaho si Kelvin.
Sabay na naglalakad ang magkasintahan sa loob ng park nang magkahawak ang mga kamay. Parehas nilang nililibot nang tingin ang paligid. Gustong-gusto nila ang maaliwalas na panahon ngayon at ang preskong simoy ng hangin na bukod sa nalalanghap nila ay nadarama rin nila.
Lumipas pa ang ilang minuto ay tiningnan ni Kelvin si Yvonne. Sumilay ang ngiti sa labi niya ng kanyang makita ang magandang mukha ng nobya.
“Gandang-ganda ka na naman sa akin diyan,” pagpaparinig ni Yvonne kay Kelvin. Mula sa gilid ng mga mata niya ay nakikita niya si Kelvin na nakatingin sa kanya kahit hindi niya ito tinitingnan.
Mahina namang tumawa si Kelvin. Tumango-tango r
