Naisipan ni Alexa na balikan si Eiann sa home office nito. Aayain niya itong kumain ng tanghalian. Hindi man lang kasi ito lumalabas at sa tingin niya ay wala itong pakiealam kung tanghalian na dahil sa sobrang pagbababad nito sa trabaho.
Tumayo sa harapan ng pintuan ng home office ni Eiann si Alexa. Ngumiti siya saka itinaas ang kanan niyang kamay at kinuyom iyon saka tatlong beses na kinatok ang pintuan.
Kumunot ang noo ni Alexa ng wala siyang narinig na sumagot mula sa loob. Muli siyang kumatok ng sunod-sunod ngunit ganoon pa rin, hindi sumasagot si Eiann mula sa loob.
Huminga nang malalim si Alexa. Mas lalo siyang lumapit sa pintuan saka hinawakan ang doorknob at pinihit iyon pabukas.
Dahan-dahang binuksan ni Alexa ang pintuan saka siya pumasok sa loob. Sa office desk siya kaagad n
