Tuluyan nang sumikat ang araw at nagliwanag ang paligid. Magkasabay na naglalakad sina Yvonne at Kelvin sa tabing-dagat. Mabagal lamang ang kanilang mga hakbang papunta sa pinakadulo kung saan makikita ang mga batuhan.
Nasa nilalakaran ang tingin ni Yvonne habang panaka-naka naman ang pagtingin sa kanya ni Kelvin. Sumisilay ang ngiti sa labi nito.
“Wala ka bang trabaho ngayon?” pagtatanong ni Yvonne nang hindi nakatingin kay Kelvin.
Umiling-iling si Kelvin.
“Hindi na muna ako papasok ngayon,” sagot ni Kelvin.
Napatingin si Yvonne kay Kelvin. Kumunot ang noo nito.
Napangiti si Kelvin.
“Gusto pa kasi kitang samahan.”
“Hindi mo naman ako kailangang samahan buong araw-”
“Pero gusto ko,” sambit kaagad ni Kelvin na ikinahinto ni Yvonne sa pagsasalita. “At kapag gusto ko… gusto ko at wal
