Nakatingala si Yvonne. Napapangiti siya habang tinitingnan ang pagsabog ng mga fireworks sa madilim na kalangitan. Napakagandang pagmasdan ng matitingkad na kulay ng mga ito na nagliliwanag sa kalangitan.
“Ang ganda,” humahangang sambit ni Yvonne. “Kaya gusto ko ang school fair kasi may fireworks display silang ginagawa,” nangingiting dugtong pa nitong sabi.
Napangiti naman si Eiann na nakatayo sa tabi ni Yvonne at nakatingin sa kanya. Puno ng pagmamahal ang pagtingin nito sa kasintahan niya.
“Tama ka,” nangingiting saad ni Eiann. “Napakaganda,” sabi pa nito.
Tiningnan ni Yvonne si Eiann. Kumunot ang noo niya nang malamang hindi pala sa fireworks nakatingin si Eiann kundi sa kanya.
“Bakit ka nakatingin sa akin ng ganyan?” nagtatakang tanong ni Yvonne.
Mas lalo namang napangiti si Eia
