Marko POV
Napauwi ako ng wala sa oras ng maalala kong kaarawan ni Chace ngayong araw. Nainis ako dahil nadelay ang flight ko kaya gabi na ako nakarating sa bahay. Naabutan ko pa na nagliligpit ng mga plato si Maribeth ang yaya ni Chace. Nagulat pa nga ito ng makita niya ako.
"Sir nakauwi na po pala kayo? Pasensya na Sir nagluto po kasi ako ng konting handa ni baby Chace. Tuwang tuwa nga po ang bata dahil may bisita po siya." napakunot noo ako sa sinabi niyang bisita.
"Naalala ko palang birthday ng anak ko ngayon. Hindi na ako nakaabot akala ko aabot ako. Nadelay kasi ng ilang oras ang flight ko." sabi ko. Nakita ko ang isang cake na pa square. Napangiti ako dahil may isang piraso pang natira. Ibig sabihin para sa akin iyon.
"Sir, gusto niyo po ba ng pansit at lumpia? Mayroon pa po dito
