"Bakit nakabusangot 'yang mukha ni Kian?" nagtatakang tanong ni Grace kay Clarita na bahagya pang nakakunot ang noo. Busy ito sa pangunguha ng dahon ng malunggay mula sa puno nito.
Pasimple siyang napalingon kay Kian na nakasandal sa hamba ng pinto papasok sa bahay niya. Nasa likuran kasi sila ng bahay dahil nanghihingi si Grace ng malunggay at tanlad. Magluluto daw kasi ito ng tinola dahil may dala ang asawa nito ng native na manok. Kung sa harap ng bahay niya ay may maraming nakatanim na bulaklak, sa likuran naman ay iba't-ibang klase ng mga gulay naman.
At gaya nga ng sabi ni Grace ay nakabusangot ang mukha ni Kian. His arms were crossed across his chest. Para itong may may kaaway habang nakatingin sa kanila. And she knows exactly the reason why. Napakagat siya ng labi nang tinaasan
