Nagising si Clarita na masakit ang katawan pati na rin ang maselang bahagi ng katawan niya. Feeling niya ay para siyang binugbog ng sampung katao. Halos 'di siya makabangon at nahihirapan siya kahit kaunting kilos man lang. Tapos naalala niya ang nangyari sa kanila ni Kian kagabi. Ni hindi na niya maalala kung anong oras silang natapos. Ang alam niya lang ay kumakaway na ang araw sa silangan nang makatulog siya.
Lumingon siya sa tabi niya pero bakante iyon. Mukhang nauna nang magising si Kian sa kanya. Babangon na sana siya pero talagang hindi siya makatayo. Lagkit na lagkit na ang pakiramdam niya at gusto na sana niyang maligo. Isa pa’y huba pa rin siya sa ilalim ng kumot.
Inilibot niya ang mga mata sa loob ng kwarto para ma-check kung anong oras na. Pero wala siyang makitang orasan. A
