Pati si Kian ay napabangon sa nangyari kay Clarita. Kung hindi pa siya naagapan ng tatay niya ay baka nahulog na siya sa kama. Si Kristoff ay dinaluhan din si Clarita.
“Anong nangyari?” nag-aalalang tanong ni Blair na hindi nakadirekta kung para kanino ang tanong.
“‘Di ko po alam, Ina. Nakita ko na lang siya na nasa sahig na,” sagot ni Cheska sa nag-aalala ring boses.
Hindi makapagsalita si Clarita. Hindi niya alam kung ano ang masakit––ang paso niya, ang tuhod niya, o ang ginawang pagpapanggap ni Cheska. She was so devastated that Cheska could do something this low just because she didn’t like her.
Hindi niya rin masabi sa pamilya nito ang totoong nangyari. Ayaw niyang madisappoint ang pamilya nito kay Cheska. Alam niyang si Saint ang dahilan kung bakit ganito na lang ang pakikitun
