“SAAN ka ba nagpunta bata ka? Kahapon ka pa hindi umuuwi. Nag-aalala na ako sa iyo. Ni hindi mo sinasagot ang mga tawag at text ko sa iyo.” Napangiwi si Ira nang marinig ang sinasabi ng ina.
Naka-silent mode ang cellphone niya noong nagpunta siya ng supermarket kahapon. Kaya kahit tumawag pa ang mommy niya, hindi niya talaga ito maririnig. Nawala din sa isip niya na tumawag dito kaya ang dami nitong miscalls at text sa kanya. Mabuti na lang at naalala niyang silipin ang kanyang cellphone. Nagkataon naman na tumatawag uli kanina ang kanyang ina kaya kausap niya ito ngayon.
“Sorry po, mommy. May biglaan kasing tawag sa akin mula sa school kaya bumalik na lang ako sa boarding house. May webinar daw kami saka maraming paperworks kaya hindi muna ako makakauwi,” pagdadahilan niya. Ayaw niyang
