NANG magising si Ira kinabukasan, mag-isa na lang niya sa higaan. Nakabalot siya na parang suman sa comforter. Maingat niya itong inalis sa katawan para lang magulat nang mapansin na wala pala siyang suot na damit. Iginala niya ang paningin sa buong kuwarto. Nakita niya ang kanyang pajama na nakasabit sa sofa.
Ipinulupot niya ang comforter sa katawan saka siya bumangon. Mabilis siyang nagbihis bago nagtungo sa banyo. Pagkalabas niya, hinanap niya sa buong unit si Xyrus. Nang hindi niya ito makita muli siyang bumalik sa kama. Tiningnan niya ang oras sa kanyang cellphone. Alas-sais pa lang ng umaga.
“Ibig sabihin maagang nagising si Xyrus. Pero saan naman kaya nagpunta iyon?” bulong niya sa sarili. Lumapit siya sa bintana at sumilip. Sumisikat pa lang ang araw sa labas. Nang mapatingin s
