"Good morning, besh! Guess what, may bibisita daw sa'tin mamaya from an International Company to offer an apprenticeship program. Game ka ba?" ani ni Kierra at mabilis na niyapos ang braso ng kaibigan.
Napatingala naman si Kisses sa puting kisame ng classroom at tinakpan nalang ng libro ang mukha nito.
"Ayoko," walang gana nitong sagot.
Sinubukan nitong tanggalin ang pagkakahawak ni Kierra ngunit mas hinigpitan ng kaibigan ang kapit sa kaniya.
"Hindi ba't mamanahin mo naman ang textile company ng Mom mo? What for? Magsasayang ka lang ng oras, Kierra." Seryoso ang tono ng pananalita nito sa pag-asang baka sumang-ayon ang kaibigan sa kaniya.
Dinig naman nito ang malalim na hugot ni Kierra dahil sa sobrang pagkadismaya.
Hindi man nito nakikita ngunit alam niyang abot langit na ang nguso
