Chapter 26
Daniel
Dinala ko si Emerald, sa aming silid at inilapag ko siya sa malambot na kama. Hindi na nga niya maimulat ang kaniyang mga mata sa kalasingan.
"Enrico, huwag mo akong iwan. Mahal na mahal kita. Ikaw lang ang mamahalin ko!" Umigting ang panga ko ng marinig ko na binabanggit niya ang pangalan ng ex-boyfriend niya.
Ano ba ang nagustuhan niya sa lalaking iyon? Hindi mas hamak na mas marami akong pera kaysa ex-boyfriend niya. Gwapo naman ako? Ang ibang babae riyan nagkakandara pa para lang mapalapit sa akin.
Kumibot ang ang gilid ng labi ko habang pinagmamasdan si Emerald. Nagtataka ako kung ano ba ang nagustuhan ko sa babaeng ito, maliban na siya ang batang pinangukuan ko noon. Pero invalid na ang pangako kong iyon sa kaniya dahil galit siya. At ako ang sinisisi niya
