Chapter 27
Emerald
Hindi ako naniniwala kay Daniel na ako pa talaga ang kumakalabit sa kaniya. Posible kaya? Pero lasing ako at baka totoo nga ang mga sinasabi niya. Hayz... Nakakainis talaga!
Sabi ko hindi ako magiging marupok at dapat bigyan ko pa siya ng leksyon. Pero ano itong ginawa ko? Ako pa raw ang nangalabit sa kaniya?
Gusto kong sabunutan ang sarili ko habang nandito ako sa banyo nagsa-shower. Hinahayaan ko lang na pumatak ang tubig sa aking katawan. Kahit may kalumaan na ang shower sa banyo na ito, pero okay lang dahil galing naman sa bukal ang tubig.
Nginangatngat ko ang aking kuko habang iniisip ang nangyari kahapon. Naalala ko na nag-iinuman kami ni Manong Gorio, nang dumating ang anak niyang si Jason. Pero, hindi ko na maalala ang iba.
Bumuntong hininga na lamang
