Chapter 42
Emerald
Ang sarap ng pag-inat ko ng aking mga kamay pagkagising ko. Bumangon ako sa aking higaan at lumabas ako ng bahay. Isa-isa kong tiningnan ang mga nagkakagandahang mga bulaklak ng orchids na pananim ni Tita Tinay.
Nakita ko sina Tita Tinay at Tita Margaret, nasa kubo sila umiinom ng kape. Habang nakatingin ako sa mga orchids na pananim ni Tita, napahaplos na lamang ako sa aking tiyan.
Ang lakas kasi sumipa ng anak ko. Ilang sandali pa tinawag ako ni Tita. "Baby Doll, hali ka rito!"
Nawewerdohan talaga ako sa tawag nilang iyon sa akin. Noong bata ako iyon na ang pangalan na tinatawag nila sa akin.
Lumapit na lamang ako sa kanila. "Baby Doll, ipagtimpla kita ng gatas," alok ni Tita Tinay sa akin.
"Salamat, Tita. Masyado niyo naman akong inii-spoiled," nakangiti kon
