“Boyfriend mo na si Raven, ‘Te?” bulong na tanong ni Danette sa kanya nang makatabi niya ito sa upuan sa loob ng simbahan.
“Hindi, ah!” ngumusong aniya sa nakababatang kapatid. Nakasuot ito ng bestidang bulaklakin at naka-tirintas ang buhok. Tsinita itong katulad niya at maputi pero medyo kikay at matalas ang mga mata.
Napahagikhik itong napasilip kay Raven na nasa kabilang tabi niya nakaupo. Tapos na siyang nagmano sa mga magulang. Mamaya na niya ipakilala si Raven kapag tapos na ang misa. Baka nakalimutan ng mga ito na classmate niya ito noong high school. Sabagay, si Claude lang naman ang talagang kilalang-kilala ng mga ito dahil magkapitbahay naman sila ng pamilya nito. Isang bloke lang ang layo mula sa bahay nila.
Pagkatapos ng misa ay nilibre niya ang pamilya sa fast food dahil do
