MATTHIAS MARTINEZ: MY POSSESSIVE KUYA
LORELEI
“Argh…antok pa ako,” malakas na tili ko ng umagang iyon dahil sa lakas ng aking alarm sa headboard ng aking kama.
Gusto ko pa sana matulog kaya nga lang Friday pa lang ngayon kaya napilitan akong bumangon dahil alas singko na ng madaling araw. Kailangan kasi 6:30 ay bumibiyahe na ako patungo sa Saint Francis University, kung saan ako nag-aaral ay kasalukuyan na akong grade 10. Seven thirty ang first subject ko dangan nga lang dapat 15 minutes before 7:30 naroon na ako sa school campus.
Binilisan ko ang pagligo at ng matapos akong magbihis sinuklay ko lang ang hangggng baywang na tila nirebond kong buhok at hindi na ako tumingin sa body mirror ng k'warto ko. Nilapitan ko ang backpack ko sa study table ko upang kunin at lumabas ng k'warto ko.
