MARYCOLE
Ngayong araw ang usapan namin ng manager ko na mag-uusap tungkol sa trabaho. Gusto kong bumalik sa pagmo-modelo. Kaya naman maaga pa lang ay napilitan akong bumangon kahit pakiramdam ko ay kahapon pa ako may sakit.
Kung kailan ako umalis ng Pinas, 'tsaka naman palagi masama ang pakiramdam ko. Nasa isip ko na lang marahil naninibago lang ako.
Pagkatapos maligo ay naisipan kong mag kape. Kahit wala akong kain basta meron kape pakiramdam ko busog na ako roon. Nahihiligan kong mag kape na maraming creamer, ilang araw ko ng napapansin. Gustong gusto ko ang lasa kaya ng mag-grocery ulit ako ay marami ako biniling stock.
Nang matapos ko ang kinakain ay kaagad na akong gumayak paalis. Mayroon pa akong isang oras upang magbiyahe siguro naman hindi ako late sa usapan namin ni manager.
