THIRD PERSON POV
Kanina pa siya nakatitig sa pagkaing nakahain sa mesa, at ni hindi kumikibo.
"Kumain ka na muna, Hija baka nagugutom ka na. Masarap magluto si Sister Rona," ang magaan at may ngiti kong panghihimok sa kaniya. Wala siyang naging reaksyon at nakatingin lamang sa kawalan.
Nakita siya ng isa sa mga kasamahan kong Madre na natutulog sa isa sa mga upuan dito sa loob ng simbahan, nakapamaluktot at kalunoslunos siyang tignan.
Nang subukan siyang gisingin ay bigla na lamang itong napatakbo sa isang sulok at umiyak nang umiyak. Matangkad ito ngunit halatang bata pa.
"Huwag kang matakot, Hija. Hindi ka namin sasaktan," umiling-iling siya na tila wala sa sariling katinuan.
"H-huwag n-nyo 'kong h-hawakan," ang hagulgol niyang pakiusap.
Ilang sandali rin ang ginugol namin u
