Vaniella's POV
“Malapit na pala ang graduation mo, Vaniella. Dalawang buwan na lang ay ga-graduate ka na. Nakapagdesisyon ka na ba kung ano ang iyong kukunin na kurso sa kolehiyo?” untag ni Mommy nang tumigil siya saglit sa pagsubo ng pagkain. Bale tatlo na lang kaming magkakaharap sa hapag-kainan nina Daddy.
Nauna na sa school ang mga kapatid kong sina Maria Vidalia, Valentine, at Valerio kanina pa, nadatnan kong nag-re-ready na sila to go to school nang bumaba ako para kumain ng almusal. Tapos nadatnan ko na nga rito ang mga magulang ko na kakasimula pa lang din kumain. Mga nine a.m. pa ang unang subject ko this morning. Wala ng masyadong ginagawa dahil malapit na ang bakasyon. Tapos, naghihintay na lang kami na i-release ang grade namin at magsimula ang practice para sa graduation rit
