السلسلة الملعونه ( القصر الملعون )

2692 Words

مكنتش ابدا اتصور ان في حاجة اسوأ من حياتي انا اسمي بدرية وبيدلعوني بيقولولي يا بدارة ابويا وامي انفصلوا عن بعض من وانا صغيرة مدخلتش مدرسة وامي رمتني في ملجأ وراحت اتجوزت يلا منهم لله هي وابويا... حياتي فالملجأ كانت صعبة اوي كانوا علي طول يعاقبونا ويض*بونا علي اي سبب لحد ما قدرت اهرب انا وواحده صاحبتي من الملجأ كان وقتها عندنا ١٤ سنة تقريبا ملقيناش مكان نروحه بقينا ننام فالشارع بس نوم الشارع كان اهون من الي كنا بنشوفه فالملجأ .... كانوا بيعاقبونا بالاكل ونتحبس في اوضه ضلمة لوحدنا باليومين والتلاته .... قعدت انا وصاحبتي نفكر نشتغل ايه مكنش معانا ولا جنيه ... فكرنا نسرق عشان نجيب بالفلوس حاجه نبيعها.... لكن كنا كل شوية ندخل في مشاكل ملهاش اخر قررت اني هسيب الشغل مع صاحبتي لانها عمرها مهتتغير ... بعدت عنها خالص وكنت بروح امسح سلالم وبنضف حمامات يادوب اجيب حق اللقمه الي باكلها وكنت بنام فالجامع .... وفيوم وانا بمسح حمامات مستشفي لقيت واحده شكلها شيك اوي بتوقفني وبتقولي.... _ انتي اسمك ايه ياحلوة... = اسمي بدريه ياست هانم... _ بتشتغلي هنا من زمان... = لا مش من زمان اهو اي حاجه بناكل منها عيش _ وساكنه فين بقي... = ساكنه فالشارع ارض الله واسعه... _ يا خبر ساكنه فالشارع ازاي.... انا عندي ليكي شغل هيعجبك اوي وب سكن كمان والاكل والشرب علينا ايه رأيك.... =بتتكلمي بجد ياست هانم .... _ اه امال انتي فاكرة ايه دا رقمي كلميني بكرة هد*كي العنوان وخدي الفلوس دي هاتيلك كام طقم حلوين البسيهم... شوفت الفلوس وعيني زغللت مشوفتش مبلغ زي ده قبل كده .. رحت اشتريتلي طقمين واستنيت بكرة يجي ب فارغ الصبر كنت حاسة اني بحلم اخيرا هتلم من الشوارع وهيبقي ليا مكان يأويني .... يادوب النهار طلع واتصلت بيها .. _ ايوة ياست هانم انا بدرية فكراني حضرتك ادتيني رقمك... = انتي فين يابدرية _ انا بكلمك من الكشك الي جنب المستشفي..... = خليكي مكانك متتحركيش هبعتلك السواق يجي ياخدك ... فضلت واقفه مكاني وكنت لابسه الهدوم الجديده واخر شياكة ... بعد نص ساعه لقيت عربيه كبيرة سوده جت وقفت قدام الكشك جواها واحد لابس نضارة سوده وبدله سوده وقميص اسود فضل قاعد مكانه متحركش قربت منه وقولتله ... _ انا بدرية حضرتك من طرف المدام لقيته بيشاورلي اني اركب من غير ما يتكلم ولا كلمه... ركبت العربيه ومشي وكان الطريق هادي جدا قولت اما افتح كلام معاه شويه.... _ هو حضرتك بتشتغل ايه عند المدام.... لقيته بيبص فالمرايا ومش بيرد عليا .... وطول الطريق اتكلم وميردش حتي مقلعش النضارة وعرفت شكله الطريق كان طويل جدا خد اكتر من ساعتين .... بس هو ازاي جالي فنص ساعه ووداني في ساعتين.... اكيد كان في مكان قريب بقي مني وجه خدني .... وصلت المكان كان كله صحرا مكان فاضي تمامآ.... وكان فيه قصر بس كبير اوي وباين عليه انه مبني من فترة طويلة وكله مفروش بالسجاد الاحمر اول ما دخلت كان فيه سلم كبير اوي واقف فوق الست الي قابلتني في المستشفي ومعاها اتنين تانيين.... سلمت عليها لكن مردتش السلام ولقيتها بتقولي... _ انتي خلاص يابدرية ادام دخلتي البيت ده تبقي وافقتي علي كل الشروط ... = شروط !!! شروط ايه ... يتبع... القصر الملعون الجزء الاول بقلم/ غادة سعيد... القصر الملعون الجزء الثاني بقلم/غادة سعيد _ مالك وشك اتخ*ف كده ليه يابدرية انا اقصد انك تعملي كل الي هقولك عليه وتبدأي الشغل من دلوقتي = طب وايه هي طبيعه الشغل ... _ انتي هتبقي مسؤوله عن كل حاجه فالقصر من تنضيف وطبخ وهد*كي اي مرتب تقولي عليه ... = بس غريبة اوي ان مفيش اي حد بيشتغل هنا ازاي قصر طويل عريض مفيهوش طباخ ولا شغالين... _ كل الي بيجي بيقول ان المكان بعيد عليه بس انتي هتبقي مقيمة معانا مش كده ولا ايه تعالي اف*جك علي اوضتك.... وريتني اوضتي اوضه كبيرة مكنتش احلم اني اسكن في ربعها بس مش عارفه انا ليه مش مرتاحه للمكان حاسه اني اتسرعت او انا عشان متعودة علي قعدة الشوارع .... = بصي بقي يابدريه انا عاوزاكي تعتبري ان البيت بيتك اي حاجه نفسك فيها تقوليلي انا هنا عايشه انا وابني بس محدش عايش معانا وانتي هتبقي واحده مننا _ امال مين الاتنين الي كانوا واقفين معاكي اول ما جيت .. فجأه لقيت وشها اتغير وبتقولي = دول ... دول اكيد حد من الجيران محطتش في دماغي بس افتكرت ان المنطقه مهجورة ومفيش اصلا جيران .... ولما طلعت عالسلم الطويل اختفوا فجأه .... عالعموم هجرب كام يوم لو مرتحتش هاخد بعضي وارجع تاني للشارع بس انا مصدقت بيت يلمني.... = بدرية انتي اكيد جعانه والنهارده هيبقي يوم راحه يعني هتبدأي شغل من بكرة ادخلي ارتاحي في اوضتك علي ما اجهزلك اكل ... _ حاضر ... بس هو حضرتك اسمك ايه... = اسمي مدام سولافه.... _ اسم غريب اول مرة اسمعه ... سابتني ومشيت وانا دخلت الاوضه بتاعتي كان كلها مرايات والسرير حواليه من كل اتجاه مرايا كنت حاسه اني قاعده في متاهه فردت جسمي عالسرير وغمضت عيني ويارتني ما رحت فالنوم ... حلمت ب كابوس عمري ما حلمت بيه في حياتي.... لقيت واحد وواحده داخلين عليا وهما مدبوحيين وبيقولولي ساعدينا او اهربي ...اهربي يابدرية الدم حواليكي في كل مكان .... صحيت مفزوعه وقعدت اقرا قرآن واكدب نفسي واقول اكيد دي هلاوس عشان المكان جديد عليا .... خرجت بره مكنتش مستحمله اقعد لوحدي وقعدت انده عليها .... _ مدام ... مدام سولافه ... لقيتها جايه تجري في ايه يا بدرية ايه الي خرجك من اوضتك دلوقتي ... _ مفيش بس انا قلبي مقبوض ومش عارفه انام = ادخلي اوضتك دلوقتي قاسم ابني لسه جاي وهو مبيحبش الصوت العالي ادخلي لحد ما ينام .... حسيت ب حاجه غريبه دي عيلة غريبه جدا ازاي عايشين لوحدهم في قصر زي ده وقفت ورا الباب و مقفلتوش عشان اسمعهم هما بيقولوا ايه... بصيت علي قاسم ولقيته متعصب اوي وبيقولها.... _ يعني ايه جايبالنا واحده من الشارع مش عارفين هي مين يتحرق البيت اكتر ما هو احنا مينفعش ندخل حد بيتنا منعرفهوش... = منا كل ما اجيب حد هنا يطفش ويروح ميرجعش وانت عارف ليه كويس ولا هقولك علي الي بيحصل هنا ... مقدرتش امسك نفسي ولقيتني بجري عليهم واقولهم ... _ هو ايه الي بيحصل هنا بالظبط انا لازم افهم.... يتبع... القصر الملعون الجزء الثالث بقلم غادة سعيد لقيتهم فجأه وشهم اتغير .... ولقيت قاسم بيبصلي .... بالمناسبة قاسم شاب وسيم جدا طويل وعريض عينه لونها بني وشعره اسود .... _ انتي عاوزه تعرفي الي بيحصل هنا.... لقيت مامته بتبصله وتبرقله وحسيت انهم مخبيين عليا حاجه ومش عاوزين يقولوها... ؟سابني ودخل اوضته ولقيت مدام سولافه بتقولي.... = هو قصده ان كل الي بيجي هنا بيمشي مبيقدرش عاالشغل البيت كبير بس انا بقي شيفاكي انك قدها وقدود .... _ مدام سولافه اعتبريني بنتك وصارحيني انا من ساعه ماجيت هنا وانا مش مرتاحه .... = بصي انا جهزتلك الغدا اهو مش هتتغدي معانا.... لقيتها غيرت الموضوع وانا مردتش اكتر فالكلام اكيد لو فيه حاجه هتظهر الايام الجاية .... قعدنا نتغدي وندهت علي قاسم عشان يجي يتغدي وقدنا علي نفس السفرة ... لقيته بيقولي... كتابات ل ghada saeed _ انتي منين بقي يابدريه وفين اهلك وكنتي عايشه فين = انا اهلي اتطلقوا من زمان ورموني في ملجأ وبعدها هربت وكنت بشتغل وببات في جامع.... = ايوة يعني قولي اني ملكيش اهل.... _ هو حضرتك بتتكلم كده ليه هو انا عملتلك ايه عشان تكلمني ب اسلوب زي ده .... بعد إذنك يامدام سولافه انا مش عاوزه آكل انا شبعت خلاص.... سبت السفرة وقومت رحت اغسل ايدي ودخلت الحمام ... حسيت وانا جوة الحمام اني مش لوحدي في حد معايا وواقف جنبي وحاسه بصوت نفسه في ودني بس كنت بكدب نفسي ... غسلت وشي ولسه برفعه ابص للمرايا لقيت بنت واقفه ورايا مدبوحه ورقبتها مدلدلة علي جسمها محستش بنفسي ورحت مصرخه ووقعت في الحمام... لقيت قاسم جاي يجري عليا وطلعني برة.... _ انا شوفت واحده مدبوحه ابوس رجليكم في ايه هنا خرجوني من هنا انا عاوزه ارجع ابات في الشارع .... = امشي لو عرفتي تمشي ابقي امشي... _ قصدك ايه انتوا هتحبسوني هنا... = احنا ملناش دخل في الي بيحصل ده ... _ هو ايه الي بيحصل جاوبني وفهمني في ايه هنا.... سابني ومشي ودخل اوضته .... ومدام سولافه دخلت اوضتها وسابوني لوحدي فالقصر الطويل العريض عماله الف في كل مكان زي المجنونه ادور علي باب للخروج لكن الباب الي دخلت منه اختفي وبقي حيطه مبقاش فيه باب ولا سلام قعدت اخبط عليه فالأوض بتاعتهم لكن مفيش فايدة .... محدش بيفتحلي ... وفي عز منا بعيط لقيت حد بيخبط علي كتفي نفس البنت الي شوفتها فالحمام.... اول ما شوفتها قلبي اتخلع من مكانه ... _ انا اسفه متخافيش مني... = انتي.... انتي مين .... _ انا البنت الي جيت هنا قبلك وفيه بنات تانيه غيري اهربي يا بدرية اهربي... = انتي حصلك كده ازاي .... _ انا حصلي... فجأه لقيت باب مدام سولافه اتفتح والبنت اختفت.... وكنت منهارة من العياط.... _ انا عاوزه امشي من هنا ابوس ايدك مشيني.... = انا مفيش في ايدي حاجه اعملهالك.... بس في حاجه غريبه اوي مدام سولافه وشها شكله متغير تحس كأنها مش هي.... وقاسم فتح الباب وخرج .... ولقيته بيقولي ... _ انتي مينفعش تخرجي فالوقت ده من اوضتك لأن ده مش وقتنا ده وقتهم ... = حرام غليكم مشوني زي مجبتوني هنا خلوني ارجع انام فالشارع ... _ انتي بتقولي ايه محدش فينا جابك هنا اصلا... =اييييه؟!!!!! يتبع القصر الملعون الجزء الرابع بقلم/ غادة سعيد ايييه!!! انت بتقول ايه امال مين الي جابني هنا مش مامتك ماتتكلمي يامدام سولافه.... = لا يابدرية انا مجبتكيش هنا هما الي جابوكي ... _ هما مين دول الي جابوني فهميني ايه بيحصل هنا ... = هما بيقدروا يتمثلوا في اي شكل وفي اي وقت هما حوالينا في كل مكان احنا بقالنا سنين انا وقاسم عايشين فالقصر ده وفقدنا الامل اننا نخرج خلاص احنا محبوسين هنا من يوم ولاده قاسم باباه اتوفي ورحت ل جده عشان يشوف حفيده اول ما دخلت القصر كان جده عاوز يقولي حاجه بس مات قبل ما ينطق ب كلمه واحده..... انا مش عارفه ايه الي بيحصل فالقصر ده كل شوية نلاقي بنت جاية وبعد كده تختفي في ايه هنا احنا منعرفش _ اكيد جد قاسم ليه علاقه بالموضوع ده... = وانا جدي ايه علاقته بالموضوع ده... _ مش هو صاحب البيت اكيد كان عامل مصيبه هنا.... = ماتحترمي نفسك انتي عارفه جدي دا كان ايه عشان تتكلمي عليه كده _ لو كان وزير حتي هيكون ايه مش ده الي معيشك في قصر مبتخرجش منه من اول متولدت انت ازاي محاولتش تخرج من هنا اكيد فيه حل... = حاولت كتير وفقدت الامل _ بس انا مش هفقده... لقيته ضحك ضحكه سخيفه = متحاوليش يابدرية انتي كده كده ميته كلها كام يوم شهر بلكتير وتروحي زي الي راحو.... _ لا انا مش عاوزه اموت هنا انا هلاقي حل انا واثقه في ربنا انا اتعذبت كتير في حياتي مش معقول هموت موته زي دي.... لقيته بيقولي ... _ يلا كل واحد علي اوضته عشان ميعملوش فينا حاجه.... = بس انا خايفه ممكن ابات معاكي يامدام سولافه في اوضتك.... _ مش هينفع يابدرية انا مش بنام جنب حد = ابوس ايدك هنام عالارض عشان لما اصحي الصبح اشوف اي مخرج من هنا.... _ تعالي يابدرية خلاص .... دخلت معاها الاوضه اول ما فتحت الباب لقيت بنتين قاعدين عالسرير.... شكلهم مخيف لدرجه ان قلبي كان هيقف قعدت اصرخ ومدام سولافه تقولي اسكتي اسكتي مبيحبوش الصوت العالي.... _ انتوا ازاي عايشين فالبيت الملعون ده ليه مبتحاولوش تخرجوا .. = مين قالك اننا محولناش انا بقالي ٢٥ سنه بحاول لكن مفيش فايده احنا هنعيش ونموت هنا..... = اكيد في حل وانا هلاقيه _ هتلاقي ايه انتي بتترعبي من خيالك يلا يا بدريه نامي انتي منمتش من الصبح .... حطيت دماغي ونمت محستش بنفسي وحلمت بالبنت الي راسها مقطوعه جيالي وبتقولي _ احنا لسه مكملناش كلامنا يابدريه .... = انا هنا بعمل ايه هما هيقتلوني زيك انا مش عاوزه اموت .... _ تعالي معايا يابدرية هوريكي حاجه جايز تساعدك ... لقيتها بتشدني من ايدي _ انتي وخداني فين =هششششششششش تعالي ورايا ووطي صوتك .... خدتني من ايدي بره الاوضه وفتحت بلاطه كبيرة اوي في اخر الصاله اول ما شالت البلاطه كان في سلم طويل بينزل علي تحت نزل وشاورتلي انزل وراها لكن انا خوفت انزل لقيتها بتشدني من ايدي وبتقولي بسرعه قبل مالنهار يطلع لو طلع النهار انسي انك تعرفي تنزلي هنا تعالي ورايا يابدرية ... نزلت وراها من غير ما افكر كان سلم طويل بيدخل علي اوضه كبيرة لكن جالي صدمة من الي شوفته فالاوضه.... يتبع القصر الملعون الجزء الخامس والاخير بقلم/غاده سعيد لقيت بنات كتير تحت مدبوحين ومحطوط دمهم في ازايز علي ترابيزه في وش الترابيزه في تمثال علي شكل مخيف كأنه شيطان والعياذ بالله اول ماشوفت المنظر لفيت وشي الناحيه التانيه لقيت مكتبه فيها كتب كتير قلت اكيد الكتب الي فيها هتوصلني ايه اللي بيحصل في البيت ده مسكت اول كتاب فتحته لقيت مكتوب فيه رموز غريبه حاجات انا ما فهمتهاش فجأه لقيت واحد ظهرلي ومعاه سكينه رحت مصرخه جامد ولقيت قاسم ومامته بيصحوني... _في ايه يا بدريه اصحي في ايه مالك بتصرخي ليه وانتي نايمه .... = في حد كان هيدبحني ... _ حد... حد مين = الصالة ودوني الصاله لازم اعرف ايه الي بيحصل... طلعت اجري عالصاله وعلي نفس البلاطه وشيلتها اتشالت معايا بسهوله لكن الي تحتها كان سد مفيش حاجه تحت.... بصيت عالشباك ولقيت النهار طلع ... وكلمه البنت الي قالتهالي كانت بترن في ودني.... _ لو النهار طلع يا بدريه مش هتعرفي تنزلي.... اكيد المكان ده بيتفتح بليل بس ... = انتي اكيد مجنونه المكان سد ومقفول ... _ لا يا قاسم المكان ده بيتفتح بليل انا هثبتلك كلامي استني لحد الليل بس... = خلينا ماشيين ورا كلامك لحد ما هتجننينا... _ انت جدك كان بيشتغل ايه = معرفش انا عمري ما شوفته اصلا.. _ وانتي يا مدام سولافه... لقيت سكتت ووشها اتغير ... = انا عمري ما اتعاملت معاه قبل كده جوزي كان مقاطعه اصلا ومكنش قايلي السبب بس انا لم جوزي مات قولت اجي اوريه حفيده الي عمره ما شافه ومن ساعتها وانا محبوسه هنا .... . _ اكيد كان بيعمل حاجه غلط هنا اكيد البيت ده ملعون..... فضلت قاعده ساعات كتير علي امل لما الليل يجي الباب هيتفتح.... واول لما الشمس غابت طلبت من قاسم يطفي كل انوار البيت والدنيا كانت ضلمه خالص ... فتحت الطوبه وفعلا الي حسبته لقيته والباب اتفتح..... نزلنا احنا ال ٣ وشافوا المنظر كانوا واقفين مزهولين.... مدام سولافه فتحت الكتب ولأنها كانت مثقفه ... فهمت ان صاحب الكتب دي كان بيشتغل في السحر الاسود وبيقدم البنات دي قربان للشيطان عشان يعرف يتحالف معاه ... والموضوع ده فضل مستمر حتي بعد ما مات بسبب ان الاوضه دي لسه موجوده لحد دلوقتي.... فجأه لقينا الراجل ظهر ومعاه سكينه نفس الي شوفته فالحلم وبيقرب مني .... قعدت اصرخ... _ انا مش هموت الموته دي انا تعبت جدا في حياتي يارب ساعدني.. وابتديت اقرأ آيه الكرسي واعيط لقيته فجأه بدأ يبعد عني.... ومسكت كل الكتب والحاجات الي فالاوضه طلعتهم فوق انا وقاسم ومدام سولافة وولعنا فيهم .... بمجرد ما الحاجات اتحرقت كان الباب اتفتح والنور ظهر.... جريت عالباب وفتحته لقيت كل البنات قدامي خارجين هما كمان كأن كانت روحهم متعلقه وبيتحرروا .... مسكت مدام سولافه وقاسم من ايديهم _ يلا انتوا مش هتمشوا معايا = هنمشي بس الاول هناخد حاجه من تحت.... لقيتهم طالعين ب جثتين جثه طفل وجثه واحده حضناه ... ودفنوهم فالجنينه ومشيوا معايا.... انا مرضتش اسألهم انتوا بتعملوا ايه عشان مقلبش عليهم المواجع كفايا الي شافوه طول حياتهم واحنا ماشيين لقيت قاسم بيقولي _ انتي جريئه اوي يابدريه في بنات جم كتير هنا عمر ما حد فكر ينزل تحت ويحرق الحاجه ويخلصنا كلنا .... = وانت مكنتش بتحرق الحاجه ليه ... لقيته بصلي وضحك... واحنا ماشيين قابلنا واحد معدي لقيته بيوقفني وبيقولي..... _ ايه يابنتي الي جابك المكان ده محدش بيجي هنا المنطقه دي فيها بسم الله الرحمن الرحيم متمشيش هنا لوحدك... = اه بس انا مش لوحدي انا معايا قاسم ومامته... _ انتي لوحدك انا مش شايف حد امشي من هنا يابنتي ربنا يهد*كي ... ساعتها بس عرفت اني كنت الانسانه الوحيده الي فالبيت ... لما قاسم ومامته اختفوا من جنبي فجأه وعرفت ان الجثتين الي دفنوهم دول هما .... ولما راحوا البيت اتقتلوا زيهم زي غيرهم.... ازاي في حد ممكن يأذي غيره بالسحر والاعمال لمجرد انه متضايق منه لازم يفتكر ان فيه حاجه اسمها ربنا ... فضلت اجري لحد مالقيت اتوبيس ركبته ووصلت بيه المستشفي الي شغاله فيها واول ما وصلت لقيت صاحب المستشفي بيقولي... _ انتي فين يابدرية اختفيتي بقالك كام يوم افرحي يا ستي عملنالك مكان تنامي فيه هنا فالمستشفي... _ بجد يعني مش هنام فالشارع تاني = اه ودا مفتاح اوضتك ادخلي ارتاحي شويه عشان الشغل فتحت الباب ودخلت اترميت عالسرير محستش بنفسي غير وقاسم ومامته جايين ليا فالحلم بيضحكولي كأنهم بيشكروني كانوا مبسوطين اوي وشكلهم جميل صحيت من النوم وحسيت ان قلبي كان مرتاح وحسيت اني عملت حاجه اقدر افتخر بيها في حياتي النهاية .

Free reading for new users

Scan code to download app

App Store Google Play

Facebookexpand_more