السلسلة الملعونة ( الرصد والتوابع)

2788 Words

الموضوع معايا بدأ ....لما كنت نايمة في مرة وشفت حاجة غريبة شفت مكان عبارة عن جبال كتير والدنيا ظلام وفي جنازة وقبر مفتوح وشاب بيدفن بس كنت حاسة ان انا الي بيدفنوني مش الشاب ده وبعد كده . . . . . . . شفت راجل شكله يخوف عينه مبرقة بيقولي اتفضلي حاجتك ببص لقيت ورق وايملات وشغل انا الي عملته . . . . . . بس الغريبة ان كل الورق ده مكتوب عليه رموز بالدم وصحيت من النوم ...قلت ده كابوس وحش وصليت الفجر ونمت ....بس الحلم ده فضل شاغل تفكيري انا نورهان مديرة مبيعات شاطرة جدا اخدت كورسات . . . . . . كتير لحد مابقيت أصغر مديرة مبيعات لكل الي حواليا انا بدير ٦ شركات عقارات والحمد لله بفضل ربنا اسمي معروف في السوق ..علاقتي بربنا زي اي حد فينا شوية ملتزم اوي وشوية بي**ل بطبيعة مشاغل الحياة . . . . . . . . . . اول ماوصلت مكتبي دخلت احكي لزميلتي نهي هيا اكبر مني ب ٩ سنين بس انا مديرتها البنت دي كويسة جدا ومن اول ماجت ملتزمة بشغلها ودايما تعزمنا عالفطار وقررت احكيلها عن حلمي لكنها مكنش عندها اجابة ....عدي اليوم وروحت نمت وحصل حاجة غريبة جدا ..... . . . . . . . . . كنت نايمة عادي ومرة واحدة حسيت ان نفسي مش عارفة أخده وبقع ومتكتفة فاقدة الحركة مش عارفة أتكلم ولا اصوت عشان ماما تلحقني بس بعد محاولات عنيا فتحت لكني فاقدة الكلام والحركة وبعدين فقت من الحاجة الغريبة دي انا مش فاهمة ايه الي حصل شربت مية ونمت...وحصل نفس الموضوع . . . . . . قررت اني مش هنام وأول ما النهار طلع اتصلت بدكتور ماجد جارنا دكتور نفسي وحكيتله قالي ممكن انتي مجهدة ومتوترة والي حصل معاكي ده تفسيره العلمي hypnagogic paralysis وده بيحصل بسبب اجهاد وعدم انتظام النوم ومفيش خوف منه ،وبيحصل لأي شخص.... اطمني ... وصلت الشغل وكالعادة نهي القمر جايبالنا الفطار معاها وقررت احكيلهم الي حصل معايا ....بس محدش علق غير عرفة الأوفيس بوي بتاع الشاي قالي يافندم هتلاقي حضرتك نمتي في مكان مش مكانك طبعا معلقتش عليه وعملت نفسي مش سامعة عدي يوم واسبوع ومفيش حاجة حصلت قلت زي ما دكتور ماجد قالي بسبب الإرهاق وإنا هنظم نومي . . . . . . كل حاجة كانت كويسة لحد اليوم ده والي حصل فيه قلت اكيد ده مش طبيعي ...ابدا الي بيحصل في حاجة غلط . . . . . . اليوم ده أخويا كان جاي من السفر وحبيت اعمله مفاجأة وأستقبله وطبعا عارفين طريق السويس عربيتي كانت في التوكيل واضطريت اركب اوبر بس لسوء حظي السواق حصلتله مشكلة واضطر ينزلني . . . . . عالطريق علشان بنته ماتت وإنا نزلت جنب الميراج مول علي طريق السويس كتير منكم عارفينه المكان كان منور بس بيني وبين المول تقريبا ٥٠٠متر فضلت ماشية علي رجلي لحد ما قربت من كمين شرطة عند مدخل التجمع الاول علي بعد ٢٠٠متر للاسف طلع ورايا ٣ أشخاص بموتسكلات جريت منهم . . . . . . . ووقعت في حفرة لحسن الحظ الظابط في الكمين اخد باله واتحرك ناحيتي بس رجلي صعب احركها وركبتي بتنزف واتصلت بأمي جت خدتني والبيت قريب طبعا . . . . . . . . مقدرتش احرك رجلي وعملت جبيرة وقعدت اجازة من شغلي انا في طبيعتي مش بثق في حد وخاصة الشغل . . . . . . . الحياة علمتني كده ... كل زمايلي جم البيت يزوروني وخاصة نهي وبصراحة كانت جايبالي اكل بحبه اوي ممبار وكفتة وقضوا معايا اليوم ومشيوا انا اخدت اجازة بس الشغل لازم بتعمل في اجتماع مهم جدا . . . . . . . ولازم اقابل عملاء مهمين مضطرة اكلف حد بس ياتري مين بعد تفكير طويل لقيت نهي انسب شخص أولا لسنها الكبير خبرتها صغيرة لكن هاقولها تعمل ايه ولأن هيا ملهاش أطماع أو منفسنة زي بقية الناس وفعلا اتصلت بيها ونسقت لها معاد مع العملاء وخليتها تكلمهم هو شغلي بس غصب عني ومش مهم ا**ب مانا دايما بعمل التارجت خليها مرة تحققه حتي لو علي حسابي وفعلا نهي عملت التارجت وبدأت تتعامل مع العملاء من غير ماترجعلي والموضوع ضايقني لان ده شغل وتعب سنين ..طبعا محدش بيعرف حد كل حاجة بس للاسف الدنيا دايما بتعلم لحسن الحظ انا المعلومات الي ممكن اعرف حد بيها بنسبة ١٠%من الشغل طبعا كلهم كانوا عارفين اني اجازة شهر واتفجأت اول ما دخلت مكتبي ان نهي قاعدة مكاني وهيا بتوزع . . . . الشغل وتتعامل كأنها المديرة طبعا معلقتش عليها بس هيا رفضت تقوم من علي مكتبي بحجة في ايميل مهم بترد عليه وانا قعدت مع كل زمايلي الي رحبوا بيا بس نهي حبت موضوع ان نورهان تبعد وافتكرت انها خدت مكاني لكنها مع الوقت رجعت تاني محدش من العملاء بتعامل معاها غير عميل واحد بس ... بدأت ألاحظ حجات غريبة بتحصل كلها في وقت واحد يتبع بدأت اشوف حجات غريبة ...احلام وحشة وحاجات بشوفها في البيت معرفتش افرق بين الصحيان والنوم وفي يوم حصلتلي مشكلة كبيرة أوي في شغلي عارفين شغل سنين وعقود بتتلغي مناقصات مبقتش ترسي عليا كل حاجة اتلخبطت لحد اليوم ده اليوم الي دخلت الشركة بدري عشان عندي حجات مهمة لقيت نهي كانت مسجلة كل مكالاماتي معاها وبتسمعها لبعض الناس في الشركة كانت ليا مواقف معاهم مش بس كده دي كانت كمان بتش*ه صورتي بكلام عني محصلش يعني بقيت قدام الناس اني بتكلم عنهم وإنا وحشة مش بحفظ الأسرار طبعا كان غلط مني اني حكيت أي موقف كل شخص فينا عنده عيب انا لما برتاح لحد بحكيله كل تفاصيل اي مشكلة أو عن حد في الشغل علشان ياخد حذره بس بدأ التيم كله يلف حواليها وبدأت . . . . . . . احس اني لوحدي محدش بيتعامل معايا وإنا طبعا معايا الداتا كلها فأي خطوة لازم يرجعوا ليا فيها فقلت مش فارق معايا صحوبية الناس في الشغل اصلا كلهم انا مديرة عليهم ...هما الي محتاجني بدأت احس بخنقة في البيت والشغل وكل حاجة حواليا جسمي بدأ ينفخ وانا مش طبيعتي تخينة ومش باكل كتير ودايما صداع ملازمني ورجلي كمان بضغط عليها . . . . . . لان لازم عملية لان عندي قطع في الرباط الهلالي كل ده وانا بضغط نفسي كل يوم بروح الشغل كلهم بيفطروا وإول ما ادخل يسكوتوا ..... قررت أزور السيدة زينب . . . . . .. . برتاح اوي هناك لما بكون مخنوقة دايما بروح هناك اتصلت براجل بركة كده إسمه عم ناجح علي طول عند السيدة زينب قلتله ياعم ناجح انت فين قالي عند امك سيتنا زينب روحت واتكلمت معاه ودخلت صليت العشاء حسيت براحة شوية وعم ناجح طلب مني . . . . . . . اعمل أية الكرسي بعدد معين لمدة اسبوع قالي انا شاكك في حاجة بس مش هقولك عليها غير لما اتأكد التزمي . . . . . .. . بالصلاة والقرآن وأية الكرسي تحميكي يابنتي من شياطين الانس والجن التزمت بكل الي قاله وروحت الشغل وكل يوم بعمل اية الكرسي قبل ما انزل من البيت عدي ٣ أيام محصلش اي حاجة كل الامور طبيعية ....كملت الاسبوع بس بعد الاسبوع ما خلص لقيت ناس كتير في البيت بشوفها بتكلمني تهددني صوت مش قادرة افهم الكلام من الصوت العالى في مرة كنت نايمة لوحدي في البيت صحيت علي صوت حد بيعيط وبيشحتف صوت راجل في الصالة خرجت ....وكانت المفجأة الرصد والتوابع اول ما خرجت لقيت ....ظل حد قاعد علي كرسي الصالون بظهره لما قربت ملقتش حاجة خالص . . . . . . . . . . . قلت عشان انا لسا صاحية هدخل أنام تاني ولما دخلت حسيت كأن في حد في البيت بس كنا الظهر قلت مفيش عفاريت بتطلع بالنهار هنام شوية.... لسا هنام سمعت نفس الصوت خرجت ملقتش حاجة خفت جدا اتصلت وحكيت لبابا قالي انا خلاص جي قعدت أقرأ اية الكرسي لأني خفت والي حصل الدنيا بقت ظلمة كحل وإنا مش شايفة حاجة وسمعت كل حاجة بتت**ر وتقع علي الارض وكان في زلزال بيرج السرير الي فوقيه اول ماخلصت اية الكرسي ٣ مرات لقيت نفسي بشوف عادي والدنيا نهار وظهر عادي بابا كان وصل حكيتله قالي هكلم شيخ كويس يجي يعملك رؤية شرعية وماتخافيش من حاجة انا معاكي الشيخ جيه وعلي فكرة هو شيخ سعودي اول ماجيه طلب مني أتوضأ وقعد يقرأ علي دماغي وأنا كنت بحس . . . . . . . . . ان صوته يبعد اوي وكنت بنام وأصحي علي صوته بيعلي فضلت كده طول الرؤية لحد ما خلص طلب من ماما تولع فحم وطلع ورقة علي شكل مثلث واتبخرت بيها وحسيت بشطة في عيني وبوقي وقعدت انزل مية كتير من بوقي لحد ما كل هدومي اتغرقت وبعدها اداني ورق كده ملفوف اتبخر بيه وكمان بخور ومية استحمي بيها ...بعد ما مشي حسيت بتعب فظيع وجسمي كله م**ر ونمت نوم عميق فضلت كده ٦ساعات محستش وكأن مغم عليا وصحيت عملت البخور والمية بس شفت ٣ أشخاص عبارة عن وشوش أجسامهم مش موجودة كأنهم في ملاية وض*بوني في دماغي وهددوني إن كل الي بعمله ده مش هيفدني بحاجة وأنهم مش هيسبوني قعدت أصوت لحد بابا لما جيه وقالي في ايه حكيت للي حصل قالي ان الشيخ قاله انه شاف ٣ عوارض وهو بيعمل الرؤية والموضوع هيخلص . . . . . . . بابا محكاش ليا أي حاجة غير لما انا شفتهم وبعدين بقيت بشوفهم عادي وكملت العلاج واتصلت بعم ناجح قالي يابنتي انا عرفت انك معمول سحر وبان عليكي ومردتش اقولك غير لما اتأكد واستنيتك تيجي بس الحمد لله الشيخ السعودي ده كويس وإنا هحضر معاكي الرؤية المرة الجاية متخافيش كلنا معاكي انا بقيت مستغربة سحر طب ليه وإزاي هو لسا فيه ناس كده طب وأنا أذيت مين .... . . . . . . . قلت خلاص هلتزم بالعلاج ...روحت الشغل عادي وسمعت نهي بتتكلم وموطية صوتها قررت اسيب تلفوني يسجل واطلع برة المكتب ولنا سمعت التسجيل كانت المفاجأة الرصد والتوابع سمعتها بتقول انا روحت للست عائشة دي ومفيش حاجة شكلها نصابة ولا مغربية ولا ليها في اي حاجة خلاص هسمع كلامه.....طلب مني اجيب شمع واولعه بس انا قلتله لا انا اجيب الحجات وانت اعمل الكلام ده ياريت يكون بيفهم ومفضلش كده ادفع فلوس عالفاضي ده الي سمعته لما روحت وسبتها تتكلم مكنتش عاوزة اظلمها بس من الواضح انها هيا لانها اتغيرت حتي الفطار الي كانت بتجيبه اتقطع !!! جيه معاد الرقية ....والشيخ طلب مني حاجة غريبة اول ما دخل قالي هاتي شنطتك السودا استغربت ليه قالي هاتيها زي ما هيا اول ما قال كده جسمي تقل ض*بات قلبي بقت سريعة جدا وحسيت بقشعرة في جسمي وخوف فظيع ....دخلت جبتها بصلها وقعد . . .. . . . . . . يقرا قراءن وقالي خليها في البيت بس ماتستحدميهاش خالص ....وبدأ الرقية الشرعية لكن منمتش ومحستش بحاجة وقتها وطبعا اداني بخور وقالي المفاجأة قالي ان في حد عاوز ياخد مكانك في الشغل وهوا بيعملك كل ده عشان يأذيكي ...وعاملك ٣اعمال أولا كلتي اكل مسحور وشربتي واترشلك طبعا مفيش غيرها جيه في بالي نهي الي بتجيب الفطار وتعمل الشاي معاها النسكافيه غير . . .. . . . . . الكلام الي سمعته غير انها اتغيرت معايا لحسن حظها أن الشركة كانت اجازة بسبب الكورونا واجازة مفتوحة واحتمال مانرجعش الشغل لان الشركة خسرت كتير اوي والشيخ طلب مني ماروحش المكان وأسيبه لانها مش هتبطل أذي....... كنت نفسي اكلمها واقولها ليه بس حذرني اني اعرفها حاجة لانه هيرد ليها العمل الي عملته فسكت بس فضلت عايشة حياة صعبة كوابيس واسمع ناس بتنده عليا واهلي كمان يسمعوا وناس تهددني واحلم بيهم يض*بوني ويهددوني دخل اول يوم رمضان والحمد لله مكنش في حاجة بتحصل كل حاجة كويسة وبنام مرتاحة . . . . .. . . . . . . افتكرت الموضوع خلص وقلت كده خلاص الحمد لله في يوم كان ضغطي عالي اوي ومفيش دواء الضغط خلص بس افتكرت علبة الدواء في الشنطة السودا لما كنت بروح الشغل قلت مش هيحصل حاجة هاخد العلاج بس مش هستخدم الشنطة اصلا واخدت العلاج ومحصلش حاجة غير رجعت تاني اتكتف وإنا نايمة ولما اصحي من النوم الاقي عنكبوت كبير هيلزق في وشي وصوت قطة وحش اوي بتنونو وكلام ورموز وأرقام بالون الاحمر عالحطيان والسقف . . . . . . . . . قلت عادي اكيد توتر ولا حاجة أو عشان بفكر في الموضوع .....وفي مرة كنا قاعدين الساعة ١٠ بليل بنتف*ج عالتلفزيون لقينا الباب بتاع الشقة بيرزع جامد الرصد والتوابع الجيران يقولوا لبابا ياحج ...... البلكونة بتولع النار ماسكة فيها ..... مفيش حد ساكن فوقينا يكون رمي حاجة مثلا.....او حصل ماس كهربائي مفيش اي سبب الحريقة كل حاجة اتحولت رماد الهدوم والكراسي . . . . . . بابا اتصل بالشيخ ...والشيخ جالنا تاني يوم وقال البلكونة المكان الوحيد الي السحر طاله عشان مفيش ذكر أو صلاة فيه طلب مني أتوضأ للرؤية الشرعية..... وبدأ يقرا بصوت عالي بس محصلش حاجة لحد ما خلص وسألني . . . . . . . . . حسيتي بحاجة قلتله لا المهم قالي اقعدي وجاب قلم وحطه علي دماغي وبدأ يقرا تاني من غير صوت حسيت بض*بات قلبي سريعة وريحة نفسي كريهة وبدأت تطلع ريحة وحشة من بوقي وبدأ يطلع صوت مني صوت اهااات عالية لحد ما نمت ولقيت نفسي ماشية في مكان مقفول والدنيا ضلمة والسقف قريب . . . . . . . وبدوس علي عضم بيت**ر ايه ده انا فين لقيت نفسي في مقبرة مقفولة وفي حد بيرمي مية عليا صحيت مفزوعة لقيت الشيخ رش مية علي وشي قالي احكي شفتي ايه قلتله الي شفته قالي الموضوع بيخلص متخافيش بيحاولوا يخوفوكي كل ده عشان هما خلاص عارفين ان الموضوع انتهي ودي محاولات منهم بس متخافيش مش هسيبك ابدا التزمي بس بالعلاج فضلت كده مش بعرف انام خالص عشان كل ما بنام اتكتف وناس تهددني وتض*بني مش بس انا . . . . . . . . اي مكان بروحه لازم اي حد يتأذي ويشوف نفس الي بشوفه لحد الشيخ لما جيه قالي اوعدك خلاص هانت بصراحة تعبت بقالي شهرين والموضوع بقي بيزيد طب ازاي ...... ده كان كلامي للشيخ قالي انهارده هتشوفي بنفسك جاب ورقة مربعة بيضا مكتوب فيها كلام علي شكل نصف دايرة وباقي الورقة فاضية قالي الي هتشوفيه هنا في الابيض ده احكيه قلتله تمام طبعا قلت اكيد مفيش حاجة هتظهر خليني وراه ...... بدأت اشوف واحد لابس عمة وعنده دقن مدببة وبيبص ناحيتي الشيخ سألني شفتي حد قلتله اه قالي قولي السلام عليكم ورحمة اللة وبركاته وعملت كده الراجل شاور رد السلام وبعدين شفت ال٣ أشخاص الي ظهرولي مع بعض اول مرة بعد اول رؤية . . . . . . . بعدين شفت واحد مسخ عنده ديل بعدين شفت واحد قزم عنده ذ*ل وقرنين وبعدين شفت واحد لابس تاج كبير اوي ذهب وعند قرنين وبينهم فرو بني طبعا بحكي للشيخ كل ده ....... بعد كده شفت .......مش مصدقة ازاي ..... الرصد والتوابع الجزء السادسمش مصدقة ....ازاي ده كله في ورقة صغيرة شفت صحرا كبيرة وفيها خيمة وقدام الخيمة بركة مية .وفي واحدة ست طويلة وعريضة الخادم الي ظهر في الاول شاورلي علي الست وكأنه بيقولي هيا دي مرة واحدة صورة الست دي قربت وملامحها واضحة دي نهي .....وقلت للشيخ قالي كملي شفتها بتاخد حاجة من البركة بعد كده دخلت الخيمة . . . . . . . . . وظهرت الخيمة من جوة المنظر كان ظهر نهي وفي واحد قاعد علي كرسي بالذهب وبتديله حاجة وفي فوق الراجل الي قاعد علي الكرسي شخص فارد جناحين كبار وجناحاته فيها حروف أبجدية اكثر حرف شفته حرف ع الشيخ قالي خلاص كفاية قولي السلام عليكم ورحمة اللة شكرا .....عملت زي ما قالي . . . . . . . الشيخ معلقش بأي كلام .....غير خلاص اعتبري الموضوع خلص ...فضلت تقريبا شهر كل كام يوم اتكتف اسمع ناس بتنده عليا .....لحد الموضوع بدأ تدريجيا يختفي وأنا مبقتش احاول اركز بدأت اشغل دماغي واخرج واروح النادي أو سينما المهم مابقاش لوحدي ولما بنام...بقعد أقرأ قراءن كتير وأنام علي وضوء ....الجديد بقي بقيت اصحي وكأن حد بيزق دماغي لورا والموضوع يتكرر قلت الحمد لله كنا فين . . . . . . . . . . وارجع انام في يوم كنت نايمة في الليفنج وابويا نايم في أوضته لقيت نفسي قمت بجري بسرعة لدرجة اني . . . . .. . . طيرت في الهوا ودخلت وقفت قدام سرير بابا وفي اللحظة دي شفت كائن جسمه احمر من ظهره ولابس حلق صحيت وإنا باخد نفس بصوت عالي وكأن روحي طلعت .....كلمت الشيخ قالي في بخور هجبهولك ورجعت كررت العلاج تاني ......لحد ما كل حاجة رجعت طبيعية منكرش اني الموضوع هزني جامد . . . . . . .. وإن كل فترة يحصل عكوسات بس مش بالشكل الي كان بيحصل ولما سألت الشيخ قالي أولا انتي نجمك خفيف وروحك بتتأثر بسرعة ....ثانيا في حاجة اسمها رصد وتوابع ودول خدام السحر اه السحر بيخلص . . . . . . لكن دول ببفضلوا شوية لكن كل ماتجتهدي في العبادة كل ما الموضوع ينتهي أسرع .....طب ازاي أمال حضرتك عملت ايه.....قالي فكيت السحر بأذن ربنا وصرفت الاذي بس انتي عليكي الباقي ونصحيتي . . . . . . بلاش تروحي مكان شغلك تاني واقطعي علاقتك بيها وربنا هيعوضك ...عاوزة اقولكم اني روحت مكان جديد وإن الشركة صفت الشغل والموظفين وأنها مش لاقية شغل ولا هيا ولا الي مشيوا وراها ولو حد فيهم كلمني . . . . . . مش برد وإن مفيش أي شر أو أذي يصيبك غير بأذن ربنا بس اتعلمت مثقش في حد أبدا حتي الي بياكل معايا في نفس الطبق . . . . . . .. . ...ربنا كريم وبيعوض انا ب شتغل في دبي بس لسا بشوف حجات من أثر السحر ادعولي

Free reading for new users

Scan code to download app

App Store Google Play

Facebookexpand_more