Chapter 39 : Ang pagbabanta ni Malcolm kay Boris
Boris POV
Kapwa tumutulo ang luha ko habang nakatanaw ako sa paglilibing sa kaibigan kong si Draven. Lahat ng taong naroon ay umiiyak. Unang-una na riyan si Kennedy na talaga namang humagulgol. Hindi ko nagawang lumapit sa kaniya. Hindi ko nagawang silipin siya sa huling pagkakataon. Hindi ko kaya dahil alam kong ako ang dahilan kung bakit siya namatay. Nakukunsensya ako lalo pa’t hindi ko masabi kay Kennedy ang totoong dahilan kung bakit siya nawala.
Delikado ngayon ang mga taong malalapit sa akin. Mas mabuti na siguro iyong maglayo-layo na muna kami. Ayokong pati si Kennedy ay mawala pa.
Nauna na akong umalis doon dahil alam kong patapos na ang libing. Habang naglalakad ako palayo roon ay bumubulong na lang ako sa hangin na sana ay ma
