Isang hapon, nakatulog si Athena at nang magising siya ay alas singko na. Hinanap niya si Rafael ngunit hindi niya ito makita sa buong bahay, wala rin ito sa kanyang silid. Nalungkot ang dalaga ng maisip na umalis na ang binata at hindi man lang nagpaalam sa kanya. Lumabas na lamang siya at dinalaw ang kanyang mga halaman sa hardin. Hindi pa siya nagtatagal roon ay bigla siyang napakislot ng may marinig siyang tunog ng tubig. Nabaling ang tingin niya sa malawak na swimming pool dahil parang doon nanggagaling ang tunog. Wala ang pamilya ni Aling Belen, nagpaalam ito kaninang umaga na dadalo sa kasal ng kanyang bunsong kapatid sa kalapit na bayan at kinabukasan pa ng hapon ang uwi ng mga ito. Isa si Perly sa mga abay at tutulong naman ang mag-asawang Simon at Belen sa pagluluto kaya magiging
