Nag-aalala na si Alvin dahil lasing na si Jasmin pero ayaw pa rin nitong tumigil sa pag-inom ng alak. Alam niyang mahirap ang pinagdaanan ngayon ni Jasmin. Kaya kahit busy siya sa kanyang bar ay hindi niya pinabayaan si Jasmin.
"Jasmin, tama na 'yan lasing ka na. Saka hindi alak ang solusyon sa problema mo tandaan mo 'yan."
"Alvin, gusto kong makalimot kahit saglit lang, gusto kong mawala ang sakit na nararamdaman ko. Bakit ang hirap magmahal? Bakit hindi nila maintindihan? Hindi kami magkapatid at hindi kami magkadugo eh. Pero bakit pinaghiwalay nila kami? At alam mo ba kung ako ang pinakamasakit Alvin. Saka ko na lang nalamang napakasamang ina ni mommy sa akin. Biruin mong mas kinampihan pa niya si Angela na hindi niya kaanu-ano kesa sa akin na sariling anak niya. Hanggang ngayon
