رواية بيت العيلة

بيت العيلة البارت السابع عشر

بيت العيلة

البارت السابع عشر

بقلم/ غادة سعيد

_ يا ماما مفيش حكاية ولا حاجه كل الموضوع انها بنت محترمه وجدعه وكان لازم اقف جنبها مش اكتر . . . . . .

= يعني مفيش حاجه بينكم يا احمد خالص انا حاسه بمشاعرك ناحيتها انا امك وعرفاك اكتر من نفسك انت متغير من ساعه معرفتها . . . . . .

اوعي يا احمد يكون في حاجه بينكم . . . . .

_ و حتي لو فيه يا ماما مالها لمياء مش انسانه زي اي انسانه ايه العيب الي فيها دي اول واحده احس انها بتخاف عليا . . . .

= هتحب واحده كانت متجوزه وعندها عيل صغير وانت مسبقلكش الجواز انت عاوزني اروح فيها انا و ابوك . . . . .

= وتروحي فيها ليه دي حياتي واختياري وبكرة تعرفي ان لمياء دي احسن من اي واحده عرفتها وعالعموم يا ماما اتطمني احنا مفيش بينا اي حاجه . . . . . .

_ انا مش هتكلم معاك دلوقتي عشان الحالة الي انت فيها لكن لينا كلام تاني لما تروح البيت . . . . . .

قعدوا مع بعض شوية ولمياء روحت البيت وهي متضايقه جدا من الي حصل قعدت مع فيروز تلعب معاها واتصلت ب احمد تطمن عليه وقالها انهم كتبوله علي خروج . . . . . . .

وبقت تتصل كل شويه تطمن عليه و تعلقها بيه بيزيد كل يوم . . . .. .. . . .

جه يوم الخميس يوم كتب كتاب هبة اتفقوا انهم يروحوا مع بعض اشترت فستان اسود سيمبل وحطت ميكب خفيف وعمل شعرها مفرود وهو اشتري بدله سودة وقميص اسود واتصل بيها انه واقف تحت البيت عندها عشان يروحوا سوا . . .. ..

_ ماما انا نازلة كتب كتاب هبة خلي بالك من فيروز انا نيمتها . . .. . .

= حاضر يا حبيبتي متتأخريش . . . .

نزلت تحت واتفاجئوا هما الاتنين انهم لابسين نفس اللون . . ...

_ انتي قريتي افكاري ولبستي زيي بقي . . .. .

= لا انا اصلا بعشق اللون الاسود . . . . .

_ وانا كمان بس مش مفتوح شوية الفستان ده . . . . .

= ازاي يعني . . . ..

_ من فوق مفتوح دا مجرد رأي لو مش هيزعلك . . . .

= لا مش زعلانه خلاص مش هلبسه تاني . . . . .

_ وممكن تجيبي شال خفيف تلبسيه عليه برضو . . . . .

= ممكن برضوا

فضلوا ماشيين بالعربية وفجأه وقف . . . ..

_ هنزل اشتري حاجه واجيلك علي طول . . .. .

دخل احمد محل واشتري شال اسود خفيف واداه ل لمياء . . . .

_ ممكن تقبلي مني الهدية دي . . . .

= ده حلو اوي شكرا ليك . . . .

_ يلا البسيه بقي

= دلوقتي ؟؟؟

_ ايوة منا جايبهولك عشان تداري جسمك . . . . .

= حاضر . . . . كده احسن صح . .. .

_ ايوة بكتير اوي شبه البرنسيس

= مش اوي كده يعني . . . . .

_ متلبسيش كده تاني ماشي . . . .

= هفكر . . . .

_ يلا احنا وصلنا خلاص هو ده البيت . . . ..

طلعنا فوق علي بيت هبة كانت زي القمر لابسه فستان ابيض رقيق وعريسها شاب صغير طويل وعريض وعينه ملونه كان شبه بنتها اوي وبنها قاعدة علي رجلة مش راضيه تسيبه وهو فرحان بيها اوي . . . . . .

سلمنا عليها هي وعريسها وحضرنا كتب الكتاب . . . . ..

احمد : عقبالك يا لمياء . . . . . .

لمياء : لا توبه خلاص انا هعيش اربي بنتي و بس مفيش راجل يستحق اني اقصر مع بنتي عشانه طليقي كرهني في كل الرجاله . . . . . . . . .. .

_ حتي انا . . . . ..

= انت كده بتحرجني بالكلام اوي يعني انا مش فاهمه انت تقصد ايه بالظبط . . . . . . .

_ لا يا لمياء انتي فاهمه وفاهمه كويس اوي . . . . . .

ممكن نطلع نتكلم فالبلكونه بعيد عن الدوشة . . . . .

احمد خد لمياء من ايديها و دخلوا البلكونه . . . .. .

_ انتي عاوزه كل ده تقوليلي انك مش فاهمه ازاي يعني لا انتي فاهمه وفاهمه كويس جدا اني اتعلقت بيكي وحبيتك ومبقتش شايف فالدنيا دي حد غيرك قدامي انا لو عشت عمري كله مش هعرف الاقي زيك يا لمياء . . .. . .

= احمد ارجوك متكملش احنا عمرنا مهنكون لبعض اهلك عمرهم مهيوافقوا تتجوز واحده مطلقه وكانت مريضه نفسيآ . . . . . .

_ انا كمان مريض نفسي وبفضلك بعد ربنا خفيت انا محدش من اهلي ليه دعوة بيا انا بحبك وعاوز اتجوزك وراضي بيكي انتي وفيروز وعمري ما هقولك مش عاوز بنتك لأنها هتبقي بنتي . .. .. . . . ..

= احمد انا بجد مش مصدقه الكلام الي بيتقال ده انا مكنتش متوقعه انك بتحبني بجد انا كنت حاطه في دماغي ان احنا اخوات . . . . .

_ هسألك سؤال واحد انتي مسعدة تحاربي معايا اي صعوبات وتثقي فيا وفي حبي ليكي . . . . .

فجأه هبة دخلت قبل ما لمياء تجاوب كانت جايبة محمد عريسها تعرفهم علي بعض. . . . ...

= انتو قاعدين لوحدكم هنا ليه انا جايه اعرفكم علي بعض دول احمد ولمياء اصحابي وده محمد اخو زوجي الله يرحمه وزوجي حاليا . . . . . .

اسيبكم بقي تتعرفوا علي بعض وادخل اشوف الضيوف . . . .

احمد : انت راجل محترم اوي بجد يا محمد عشان كل همك بنت اخوك انها تتربي معاك . . . . ..

محمد : والله بنت اخويا وهبة في عنيا لانهم مينفعش يتبهدلوا بس انا نفسي اشيل الحواجز بيني وبين هبة لأنها لحد دلوقتي مش مقتنعه اني جوزها وبتعاملني ك أخ

_ مع الوقت كل حاجه هتتصلح ربنا يوفقك يارب

= انتو مرتبطين شكلكم كده حاسس انكم شبه بعض . . . . .

_ لمياء : احنا مجرد اصدقاء بس

احمد : بس بنفكر نرتبط . . . .

محمد : اكيد هنتقابل تاني كتير كلنا وهنبقي اصحاب . . . .

_ اكيد طبعا . . . . .

سابهم ودخل جوة يشوف الضيوف . . .. . . .

_ مجاوبتيش علي سؤالي . . . . .

= مش هجاوب علي اي حاجه غير لما تسأل اهلك الاول انا عمري مهوافق علي حاجه اهلك مش موافقين عليها اسأل اهلك وانا هقولك الي عاوز تعرفه . . . . . .

_ ايه علاقة اهلي بالموضوع .. . . . . .

= مش هتجوز حد اهله مش موافقين عليا يا احمد انا مرضاش ده لأبني لازم اهلك يكونوا مقتنعين . . . ..

_ ماشي يا لمياء براحتك الظاهر اني كان احساسي غلط انك هتقفي جنبي انا ماشي يلا عشان اوصلك . . . . . .

سلموا علي هبة ومحمد ونزلوا وركبت معاه العربية ومتكلموش ولا كلمه لحد ما وصلت البيت نزلت من العربيه وبرضوا متكلموش . . . . . . ..

هبة مامتها خدت بنتها عشان تروح مع عريسها وتسيبهم علي راحتهم ووصلوا البيت واول ما دخلوا هبة دخلت غيرت هدومها كانت لابسه بيجامه ب كم وعليها الطرحه محمد اول ما شافها قعد يضحك . . . . . .

_ هبة انا مش هاكلك ولا عمري هفرض نفسي عليكي واجبرك علي حاجه انتي مش حباها بس مش لدرجه تلبسيلي طرحه فالبيت يعني مش هاكلك انا . . . . . . .

= انا اسفه يا محمد بس واحده واحده هتعود . . . . . .

_ طب ايه مش هنتعشي بقي . . . . . .

= هقوم احطلك الاكل فاكر لما كنت زمان بتيجي تاكل عندنا كل يوم كنت قارفنا انا واخوك الله يرحمه . . . . .

قعدوا يضحكوا ويفتكروا الذكريات لكن هبة دمعت لما جت سيرة جوزها الله يرحمه . . . . .

_ وحشني اوي يا محمد هو اكيد مش زعلان مني صح عشان اتجوزتك انا كل الي بفكر فيه مصلحه بنتي انها بتحبك وهترتاح معاك غير لما اربيها لوحدي انا عمري مكنت هدخل راجل غريب بيتنا . . . . . .

= اكيد مش زعلان منك يا هبة متعيطيش بقي وتتعبي نفسك .. . . . . . . .

_ كل يوم ببقي نفسي اعيد وخايفه بنتي تشوفني فالحالة دي فا بكتم جوايا انا اسفه بس انا كاتمه جوايا بقالي كتير اوي مش عارفه امسك نفسي خالص . . . . . . .

= عيطي يا هبة يمكن ترتاحي . . . .. . ..

_ ااااه يا حرقه قلبي عليك يا حبيبي سيبتني بسرعه اوي مكنتش عاملة حسابي اني هكمل حياتي وحياة بنتي من غيرك . . . . . . . .

محمد قرب منها وراح حضنها . . . . . . .

_ كفاية يا هبة هو اكيد في مكان احسن متعمليش في نفسك كده انا كمان واحشني اوي كنت متعود اشوفه كل يوم انا حاسس اني مش عايش . . . . . . ..

هبة قعدت تعيط كتير في حضن محمد و اول ما هديت راحت اتخضت وبعدت عنه بسرعه . . . . . . .

_ انت ايه الي بتعمله ده . . . . . .

= عملت ايه انا اسف والله مكنش قصدي حاجه انا كنت بحاول بس اهد*كي مش اكتر . . . . . . . .

_ انا داخلة انام العشا في المطبخ . . . . . .

= طب انا مبحبش اكل لوحدي كلي معايا . . . . . . .

_ مليش نفس والله . . . . . .

= طيب خلاص هشيل الاكل واجي انام انا كمان . . . . . .

_ تنام فين . . . . . .

= عالسرير جنبك . . . . . .

_ انت اتجننت لا طبعا انا هقلع الطرحه واخفف هدومي نام في اوضه الاطفال هنا مينفعش تنام جنبي . . . .

= دا ايه الجوازه السوده دي . . . .

_ بتقول ايه!

= بقول اوضة الاطفال جميلة اوي انا اصلا متعود انام فيها من زمان . .. . . . . .

_ ماشي و قبل ما تدخل عليا تخبط الباب الاول . . . . .

= حاضر . . . . .

_ وباب الحمام لو مقفول خبط الاول . . . . . .

= حاضر . . . . .

_ كل واحد هنا يلزم حدوده . . . . . .

= هو فيه ايه هو انا متجوز الصول مجدي . . . . . . . . .

_ ادخل نام ومسمعش صوت تاني . . . . . .

دخلت هبة نامت ومحمد دخل الاوضه التانيه وهو قاعد يفكر ويكلم نفسه . . . . . . . . .

_ بقي هو ده الجواز الي كنت هموت واتجوز بايت في اوضه لوحدي يلا مش مهم اهو كله يهون عشان بنت اخويا بس اجيب رجل هبة الي دماغها جزمه دي ازاي . . . . . .

وفالاوضه التانيه هبة قاعدة تفتكر جوزها الله يرحمه وتعيط بسبب انها خايفه انه يكون زعلان منها وفي نفس الوقت محمد صعبان عليها بسبب معاملتها القاسية ليه وبتقول انها مش هتعرف تتأقلم معاه بسهولة وهي بتعتبره اخوها . . . . . . .

ناموا هما الاتنين كل واحد في اوضه . . . . . .

واول ما النهار طلع صحي محمد خبط عليها الاوضه وهي مبتفتحش قعد يخبط كتير وهي مبتردش حتي خاف يكون جرالها حاجه راح فاتح الباب فجأه لقاها قاعدة عالسرير وحاطه سماعات في ودانها صوتها عالي ومش سمعاه وكانت لابسه هدوم خفيفه مبينه كل نفاصيل جسمها . . . . . . .

_ انت ايه الي جابك هنا اطلع برة بسرعه . . . . . .

= انا اسف والله خبطت كتير مردتيش خوفت يكون جرالك حاجه . . . . . . .

_ هيجرالي ايه مش قولتلك متدخلش كده فجأه . . . . .

=هو فيه ايه هو انا غلطان يعني اني قلقان عليكي وبعدين انتي بتكلميني كده ليه هو انا عملت ايه غلط ولا حرام مراتي وداخل عليها الاوضه مكفرتش انا . .. . . .

= ماشي يا محمد انا هوريك . . . . . .

وفتحت الباب فجأه بعد مغيرت هدومها . . . . . .

_ ايه ده يا هبة نسيتي تلبسي الطرحه . . . .

= يالهوي اه صحيح . . . . . .

_ تعالي هنا وراح ماسكها من ايديها . . . . . .

طرحة ايه الي تلبسيها بلاش شغل جنان انا جوزك وانتي مراتك انا سايبك براحتك كام يوم عشان انتي مش مستوعبة لسه لكن شغل الجنان ده مش معايا . . . . . .

_ انت عارف كويس اني بحب اخوك وانك اخويا . . . . .

= حرام تقولي ع جوزك اخوكي مهما حصل حتي لو مبتحبنيش