بيت العيلة البارت العاشر
2090 Words
بيت العيلة
البارت العاشر
بقلم / غادة سعيد
ايوة انا شوفته ركب مع واحد هنا من المحطه وكان معاه بنت صغيرة بس مسمعتش هو قاله عاوز يروح فين ممكن اد*كم رقم السواق تحاولوا تتصلوا بيه وهو هيقولكم . . . . . .
_ ابوس رجلك لو تعرف هو راح فين قولي دا واخد بنتي وهربان بيها انا هيجرالي حاجه . . . . .
= والله يا مدام ده الي اقدر اساعدكم بيه خدي رقم السواق اسمه جمال وقوليله انا من طرف الاسطي عطية . . . . ..
خدوا الرقم وراحوا ركبوا العربيه واحمد اتصل بالسواق عشان يشوف هيقوله ايه . . . . . ..
_ الو الاسطي جمال معايا . . . . .
= ايوة مين حضرتك . . . . . .
_ انا جايلك من طرف الاسطي عطيه كنت عاوز اسألك في حد ركب معاك من حوالي ساعه كان معاه بنت صغيرة كده . . . . .
= ايوة يا باشا خير . . . .
_ هو نزل فين بالظبط . . . . .
= نزل عند العربيات الي بتوصل الصعيد شكله كده مسافر لحد من اهله . . . . . . .
_ماشي يا اسطي متشكر جدا . . . . .
سافر الصعيد يا لمياء هو ليه حد هناك ممكن يروحله . . . .
=اه عمته من الصعيد اكيد راحلها منه لله هيموتني بدري انا معرفش انا عملت ايه في حياتي عشان يعمل فيا كل ده . . . . .
_ منقلقيش يا لمياء كل حاجه هتتصلح . . . . . .
= انا هسافرله وهروح اسأل علي بيت عمته فين وهجيبه لو كان في اخر الدنيا مش هستسلم بسهولة كده . . . . .
روحني يا احمد دلوقتي عشان ارتب أموري وارتاح شويه و اسافر . . . . . . .
_ تسافري فين لوحدك مينفعش تروحي الصعيد لوحدك حد يعمل فيكي حاجه . . . . . .
= لا متقلقش حتي لو جرالي حاجه انا كده كده ميته من غير فيروز . . . . . . .. . . .
_ احنا نسينا ميعاد دكتور آدم خالص دا زمانه متدايق جدا مننا تيجي نروح . . . . . . .
= ماشي تعالي وبعدها اروح البيت ارتاح . . . . . .
راحوا للعياده عند الدكتور ادم و اول ما وصلوا لقوا هبة قاعدة مستنياهم . . . .
_ ازيك يا لمياء ازيك يا احمد مبقاش فيه غيرنا احنا التلاته انا مبسوطه جدا اني شوفتكم . . . . . .
= ازيك انتي يا هبه . . . . .
_ انا كويسه بس انتي الي مالك شكلك مرهقه جدا . . . . .
= انا عندي شويه مشاكل بس اليومين دول يلا الحمد لله . . . .
_ انا كنت عاوزه اقعد اتكلم معامي شويه وافضفض معاكي بس شكلك مش فايقه اليومين دول . . . . . . .
= لا يا حبيبتي في اي وقت هتلاقيني موجودة . . . . . .
دكتور ادم : ازيكم اتأخرتي ليه يا لمياء انتي واحمد انا شايفكم داخلين مع بعض كنتوا فين كده عالصبح . . . .. . . .
_ كنا في مشوار كده يا دكتور . . . . .
طيب يا شباب كده مش متبقي غيركم انتو التلاته وانا عندي ليكم خبر حلو كوثر سافرت وحددولها العمليه وطمنوها انها هتنجح وبعتتلي افرحكم واقولكم ان مفيش حاجه مستحيلة . . . . . .
_ بجد يا دكتور انا فرحت جدا . . . . . . .
= كده مش فاضل حد غيرك يا احمد هيحكي حكايته انا خليتك انت فالآخر لأن قصتك مختلفة عنهم . . . . . . . .
بس اي حد بيخاف يطلع برة وميسمعش . . . . . . .
_ بيخاف ازاي يعني يا دكتور هيقوم يعضنا . . . . . .
= بيخاف من سيرة الجن والحاجات دي يا لمياء . . . . . .
_ جن !! جن ايه ودا ايه علاقته ب احمد . . . . .
= هتعرفي دلوقتي اتفضل يا احمد . . . . . . .
انا احمد مهندس مدني بحكم شغلي كل شهر تقريبا بكون في موقع في مكان مختلف....
عايش مع اهلي ولسه ربنا مرزقنيش ببنت الحلال لحد دلوقتي....
نفسي الاقي بنت شبه ماما في كل حاجه بس بنات اليومين دول مبقوش يتحملوا مسؤولية ولا يفتحوا بيت مش بتكلم عليهم كلهم بس معظمهم بقوا كده.... . . . . . . .
النهاردة اول يوم ليا فالموقع الجديد ده انا معرفش فين مكانة بالظبط وعربية الشغل هتيجي توديني المكان .... . .. . .
_ صباح الخير ياعم محمد ايه الاخبار المكان بعيد ولا ايه
_ صباح النور يا باش مهندس يعني مش اوي.... . . . . . .
ركبت العربية وخدني رحنا علي هناك اتفاجأت ان مكان الموقع الجديد قدام بيتنا القديم
كتابات ل ghada saeed
الي سيبناه من ١٥ سنة كان عندي وقتها ١٢ سنة... . . . . .
من ساعتها البيت مقفول مفيش اي حد اشتراه.... . . . . .
من ساعة ما عمي انتحر فيه الخبر اتنقل لكل الناس وطلع سمعه عالبيت انه مسكون ب روح عمي . . . . . .
ومن ساعة ما سيبنا البيت وانا مرحتهوش تاني خالص المكان هناك فاضي خالص والجيران كلهم سابوا المكان ومشيوا منه بقي شبه صحرا .... . . . . . . .
اتفاجأت ان البيوت هناك كلها جايلها امر ازالة عشان يبنوا كومباوند هناك ..... . . . . . .
واحنا مكنش عندنا علم بالموضوع دا لأن احنا من ساعة الي حصل تقريبآ مروحناش المكان دا تاني من الصدمة الي حصلتلنا
عمي دا كان راجل يعرف ربنا كان متجوز وعندو بنت وفجأة وبدون اي مقدمات انتحر وهو مكنش باين عليه انه عندو مشاكل مثلا او اكتئاب بالع** دا كان راجل بيعرف ربنا ومش بيسيب فرض.... . . . . . .
خلصت شغل اليوم دا وروحت البيت تعبان طول اليوم واقف علي رجلي فالشمس.....
.. . . . . .
دخلت خدت دش وقعدت مع بابا زي كل يوم....
_ ها ياحمد طمني الشغل الشهر دا متعب ولا ايه
_ والله يابابا مش عارف اقولك ايه بس في حاجه غريبه اوي حصلت....
_ خير يا احمد
_ الشغل المرة دي في نفس مكان بيتنا القديم وبيتنا القديم كان قدامي النهارده....
_ ايه!!!! انت بتقول ايه
_ والله يا بابا زي مابقولك كده.....
دول حتي هيهدووه ويعملوا فيه كومباوند جديد هيتهد هو وكل البيوت الي حواليه ويدوا لاصحابهم فلوس عشان هياخدوا منهم الارض
_ فلوس ايه ياحمد البيت دا انا خلاص مش عاوز منه حاجه من ساعة الي حصل ل اخويا فيه ....
مفيش حاجه تعوضني عن اخويا انا مش عايز اي حاجه تفكرني بالبيت دا.....
_ بابا انا اسف اني هفتح معاك الموضوع دا بس هو ايه يخلي واحد زي عمي يفكر ينتحر انا كنت فاكره زمان كان راجل بيعرف ربنأ وحياته كلها سعادة وبيحب مراته وبنته ليه يفكر ينتحر....
_ الله اعلم يبني....
حسيت ان بابا عارف حاجه ومش راضي يقولهالي من نظرته وقفلت معاه الكلام ودخلت انام.....
وانا نايم حلمت حلم غريب..... . . . . . . .
حلمت ب عمي الي انتحر و دي اول مرة تحصل واقف بيقولي ساعدني انا تعبان .... . .. . . . .
انت الي هتقدر تساعدني.... . . .. .
والحلم خلص علي كده..... . .. . . . .
قومت من النوم مفزوع وحسيت ان عمي عايز يوصلي رساله ان انا لازم ادخل البيت ده قبل ميتهد .... . .. . . .
صحيت من النوم اجهز نفسي للشغل وبابا كان قاعد فالصالة معرفش ايه الي مصحيه بدري كده .... .. . . . . . .
_ مالك يابابا صاحي بدري ليه كده... . . . . . . . ..
مش بيرد عليا ..... . . . . . .
صباح الخير يابابا.... . . . . . .
لقيته قاعد متدايق .... . .. . . . .
_، صباح النور يابني اصل في موضوع شاغلني كده بفكر فيه....
_ موضوع ايه ...
_ عمك...
_ ماله عمي ....
_ عمك ظهرلي.........
عمك ظهرلي حسيت اني شايفه قدامي بس انا مكنتش بحلم يا احمد انا كنت نايم وشوفته واقف قدامي....
_ ازاي يعني يابابا دا اكيد حلك وانت بس كنت بتفكر فيه عشان جبنا سيرته امبارح....
_ جايز يابني بس انا من ساعتها مش عارف انام وعمك شاغل كل تفكيري
ذ
_ معلش يابابا قوم صلي ركعتين وادعيله وان شاء الله تعرف تنام
انا هنزل اروح الشغل دلوقتي عشان متأخرش.
_ ماشي يابني ربنا معاك....
نزلت بسرعه عشان كنت متأخر ومردتش احكيله طبعا عالحلم الي حلمته انا كمان بس انا من جوايا متأكد ان فيه حاجه غلط وان انا لازم ادخل البيت ده النهارده جايز اوصل ل حاجه.....
وصلت الشغل وقعدت عالمكتب واشتغلت شويه وفي نص اليوم لقيت الموظفين كلهم مشغولين ومحدش مركز نزلت بسرعه ودخلت البيت
الي بابه كان مقفول من سنين ومحدش بيقدر يجرأ يدخله....
. . . . . . . .
فتحت باب العمارة من تحت ودخلت وقفلت ورايا .. . . ..
جسمي قشعر اول ما قفلت الباب وحسيت ان رجلي مش شيلاني كنت خايف اطلع فوق لكن حسيت ان لازم اطلع عشان اخلص ضميري..... . . . .. .
طلعت وانا جسمي بيترعش وركبي بتخبط في بعض
دخلت علي شقه عمي وصوت تزييقة الباب وانا بفتح فزعني وطلع قلبي من مكانه ... . . . . .. .
قعدت ألف فالشقه وانا مش عارف اعمل ايه ولا ادور فين دخلت كل الاوض واخر اوضه هدخلها هي اوضه المكتب عشان أدور كويس لأن عمي كان بيقضي نص وقته فيها .... . . . . . .
كتابات ل ghada saeed
اول حاجه قولت هدور فيها هي المكتبة قعدت ادور فالكتب وفي وسط مانا بدور وقع كتاب عالارض شكله غريب صفحاته فاضيه وانا بجيبه من الارض لقيت جواه كراسه مقفوله ب قفل صغير..... . . . .. . .
فجأه وانا بحاول افتحها لقيت حد بيخبط علي ضهري.... . . . . . .
جسمي كله اتشل في مكانه لك سمعت حد بيقول
_ باش مهندس انت بتعمل ايه هنا...... . . . . . .
رميت الكتاب من ايدي وحسيت ان روحي رجعتلي تاني لما اتأكدت انه حد من العمال... . . . . .
.
_ مفيش طلعت اشوف تقسيمه البيت واتف*ج عليه.... . . . . . .
_ تقسيمه بيت ايه ياباش مهندس انت ملقتش غير البيت ده وتدخله انت متعرفش فيه ايه اللهم احفظنا . . . . . . .
يلا دا كله بيسأل عليك تحت... . . . . . . . .
معرفش ايه خلاني ماخدش معايا الكراسة دي ونزلت تحت مع العامل . .. . . .. .
ممكن يكون ارتباك او خوف مثلا ..... . . . . .. .
نزلت تحت ولقيت مصطفي صاحبي مهندس وشغال معايا في نفس المكتب . . . . . . . .
_ ايه الي طلعك هنا ياحمد المكان دا الناس كلها بتتكلم عليه بلاش تقرب من البيت دا تاني. . .. . . . . . .
_ لا ابدا انا قولت اطلع ابص بصه كده علي شكله من جوه. . . . . .
_ لا متطلعش تاني ربنا يخلصنا من الشغلانه دي علي خير. . . . . . .
_ ليه يعني.... . . . . . . . . .
_ الناس كلها عماله تتكلم عن الراجل الي انتحر وروحه فالمكان
_ متصدقهمش دول بيخرفوا ..... . . . . . .
قفلت معاه الكلام وروحت البيت وانا كل تفكيري انا ليه مخدتش الكراسه معايا اشوف ايه كان جواها..... . . . . . .
بكرة ان شاء الله هحاول اخدها ب اي طريقه انا حاسس ان الكراسه دي هتوصلني ل حاجه كان شكلها كان مش طبيعي
فضلت قاعد في اوضتي مستني النهار يطلع عشان اروح الشغل لكن جاتلي فكرة وبالفعل هغلب خوفي وانفذها...
. .. . . . .
كلمت السواق ..... . . .. .
_ ايوة ياعم محمد متجيليش بكرة انا هروح ب عربيتي. . . . . . .
_ ليه بس يا باش مهندس انت زعلان مني في حاجه
. . . . . . .
_ لا والله اصل العربيه مركونه بقالها فترة وعاوز ادورها. . . . .
_ الي يريحك يا باش مهندس.. . . . . . .
استنيت الفجر آذن وصليت ونزلت . . . . . . .
وانا بفتح باب الشقه لقيت بابا بيناديني
_ خير يا احمد نازل بدري كده ليه
_ اصل يا بابا ورايا شغل كتير قولت اخلصه بدري. . . . . . . .
_ ماشي يابني ربنا معاك . . ... ..
نزلت و رحت عالموقع ودخلت بيتنا القديم كان النهار يادوب بيطلع . . . . . .
فتحت شقة عمي ودخلت اوضة مكتبه
اول ما دخلت شوفت حاجه صدمتني صدمة عمري . . . . .
يتبع
- Writer
