Sofia
Nang patungo na kami sa bahay nila ate Mariel at Kuya Cyrus, apat na kanto pa ang dinanaanan namin bago kami makarating sa kanila. Palakaibigan pala itong si Oceanus. Kasi halos lahat ng mga naghuhuntahan sa tabi ng kalsada binabati nitong si Oceanus, isama pa si Kuya Cyrus na marami rin pala tropa. Akala mo tatakbong senador ng Pilipinas itong si De Torres kung makipag apiran sa mga tambay sa tabi-tabi.
“Bossing Ross kumusta?” sabi ng isang may-edad na lalaki na puno ng tattoo sa magkabilang braso.
Tahimik lang ako sa tabi ni Ross habang kausap nito ang may-edad na lalaki na bumati kay Ross.
Pareho kaming apat napatigil sa kalsada kasi pati rin si Kuya Cyrus ang daldal daming kwento eh tagarito rin naman sila.
“Halos tatlong buwan ka rin hindi nakadalaw rito, boss. Kumusta ang
