Anong oras na? Gabi pa ba o umaga na?
Lumikha ng boses ang isip ko habang nakapikit ang mga mata. Napamulat ako at mas gumaan na ang pakiramdam ko ngayon. Ilang segundo akong nakatitig sa kisame at tinitigan ng mabuti ang maliit na bombilya sa ibabaw. Maliwanag ang buong paligid at amoy ko ang preskong kape sa hangin.
Nasaan na ba ako? Sa bodega pa rin na ito? T-Teka ka lang. . . Pumikit ulit ako at pilit na binabalikan ang huling pangyayari sa alaala ko.
Naligo ako sa ulan, malamig at masakit ang buong katawan ko hanggang sa natumba ako at nawalan ng malay.
Oo, nandito pa rin ako sa yate ni Linus kaya napamulat ulit ako at namilog ang mga mata ko nang makita ang kabuuang mukha niya na nakatitig sa akin ngayon.
"Good morning," ngiti niya.
Mabilis akong napaupo sa kama at namutla sa
