Halos hindi na ako makahinga at sabay-sabay ang bawat subo ko sa bibig. Nakakamay ako at walang silbe ang kutsara na binigay niya. Isipin na niya ang gusto niyang isipin ngayon dahil wala na akong pakialam. Unang beses ko itong makakain ng tama at gutom na gutom na ako.
Pinatunog niya ang baso na may lamang tubig at nahinto akong napatitig dito.
"Tsk, tubig mo. Kapag ikaw nabilaukan at namatay kalbaryo ko, kaya inumin mo!"
Humakbang agad siya palayo at naupo lang din sa unahan. Nakaharap ang upuan niya sa akin at alam kong pinagmamasdan niya ako ng lihim ngayon.
Ang akala ko nga kanina ay hindi na niya ako babalikan. Humingi kasi ako ng tubig dahil nauuhaw pa ako. Pero tumalikod siya at mahigit dalawang oras bago niya ako binalikan. Nanginig akong lalo kanina sa lamig kaya ang tuwalya
