ACALLY
Mahigit isang linggo na akong kasama ni Sabby dito sa bahay niya. Naikot ko na rin ang buong bahay dahil may mga pagkakataon na dinadala niya ako sa garden sa tuwing mababagot ako sa loob ng silid niya.
Nakapagtataka na ang laki ng bahay niya pero wala akong makitang ibang tao maliban sa babaeng nagluluto at naghahatid ng pagkain ko. Hapon ngayon nag-aagaw ang dilim at liwanag pero narito pa rin ako sa garden habang nakatanaw sa malayo.
Ang lawak kasi ng bakuran ng bahay ni Sabby at tanaw ko lang ang gate mula rito sa duyan na kinauupuan ko pero sigurado akong hindi ko kayang puntahan ng gano'n kabilis dahil sa distansya nito mula sa kinaroroonan ko.
Masaya ako na maiwan mag-isa dito. Okay lang na na-quarantine ako dahil tanging kami lamang naman ni Sabby ang narito sa bahay mal
