Nagpunta pa rin kami sa mall kahit ayaw kong mag-shopping at magpa-salon. Sa Mall of Asia ako dinala ng kambal. Window shopping lang kami dahil wala naman akong nais bilhin. Ganoon din sila, patingin-tingin lang sa mga boutique at shops na pinapasok namin tapos kapag nagsawa na sa kakatingin ay lalabas na kami at sa iba naman kami titingin.
Hindi nga ako nagpa-salon ngunit ang kambal naman ay pumasok sa isa sa mga sikat na salon dito sa mall at nagpagupit ng kanilang buhok. Mahaba na raw kasi ang mga buhok nila at pakiramdam nila ay pangit na sila.
Saan naman kaya sila banda pangit?
Habang ginugupitan sila ay nagbabasa naman ako ng magazine para malibang ako sa paghihintay sa kanila.
Hindi naman ako makapag-concentrate sa ginagawa ko dahil panay naman ang bulungan ng dalawang bakla n
