WALANG kaalam-alam si Bornok sa panganib na naghihintay sa kanya nang oras na iyon. Pagkakita niya sa nakakubling lalaki ay nabigla na lamang siya nang undayan siya nito ng wasiwas habang may hawak na patalim.
Nahagip noon ang kanyang kanang pisngi at mabuti na lamang at nakalayo siya nang mabilis. Kaso, sa paglayo niya ay tila hindi naman huminto ang lalaking iyon. Humakbang ito palapit sa kanya at waring papasundan pa ang ginawa sa kanya. Ito na nga ang nagpakabog ng dibdib ni Bornok sapagkat pakiramdam niya ay may masama talaga itong intensyon sa kanya at hindi niya alam kung bakit.
Sumeryoso na nga si Bornok at nang bumulusok muli ang patalim palapit sa kanya ay isang mabilis na pag-iwas ang kanyang ginawa. Isang hakbang pakaliwa ito at isang wasiwas muli ang sinunod ng lalaki sa kan
